ஒலிம்பிக்
ஒலிம்பிக் மகிழ்ச்சியைப் பகிர்வதாகவே இந்தப் பதிவு தொடங்கட்டும். ஒலிம்பிக் என்றதும் என்னளவில் பெரிதாக எதிர்பார்க்கப்பட்டவர்கள் துப்பாக்கி அபினவ். பாட்மிண்டன் சாய்னா.  அபினவ் பிந்த்ரா தகுதிச் சுற்றுக்கே தகுதி பெற முடியாமல் போனது வருத்தம் என்றாலும் அதை மறைத்தது ககனின் வெண்கலம். சபாசு.

Gagan Narang - Olympics 2012
Gagan Narang – Olympics 2012 – img (c) outlookindia.com

பாட்மிண்டன் பதக்கம் பெற்றுத் தரும் என்று என் மேலாளரிடம் கூறினேன்.  ஆனால் அரையிறுதி வரை சாய்னா வந்ததே பெரிய மெடல்தானே. சாய்னா மீது ஆரம்பம் முதலே ஆர்வம் அதிகம் காரணம் மீடியாக்கள் இவரை அதிகம் கவனிக்காமல் விட்டதன் கோபம் என்று சொல்லலாம்.  போகுமிடமெல்லாம் தோற்றாலும் சானியா மிர்ஸாவைத் தூக்கி வைத்து ஆடின. ஒரு பெண்ணை ஏமாற்றியதும் இல்லாமல் அது வெட்ட வெளிச்சத்துக்கு வந்தும் அழுகுணி ஆட்டம் ஆடிய ஒரு ஆண்குல சிங்கத்தைத் திருமணம் செய்தாலும் இன்னமும் சானியாவை தூக்கி வைத்துக் கொண்டாடும் ஜொள்ளர் குல திலக ரிப்போர்டர்களே என்னை சாய்னா பக்கம் சாய வைத்தார்கள் என்றும் சொல்லலாம். சிறிது சிறிதாக ஆரம்பித்து காமல்வெல்த் மற்றும் ஆசிய நாடுகளின் கோப்பையை வாரி வந்த சாய்னா நம்பிக்கை நட்சத்திரமே. அதுமில்லாமல் ஏமாற்றம் மற்றும் கடுப்பேற்றும் கிரிக்கெட் மற்றும் திறமையை விட ஈகோவால் எரிச்சலூட்டும் பூபதி பயஸ்… என்று எல்லாருமாக சேர்ந்து சாய்னா பக்கம் என்னை ஜே போட வைத்தார்கள் என்பதை ஒத்துக்கொண்டாகவேண்டும்.

Saina London 2012 Olympics
Saina London 2012 Olympics – img (c) sports.ndtv.com

எப்படிப் பார்த்தாலும் வெண்கலப்பதக்கத்திற்கான பந்தயம் அவ்வளவு எளிதாக அமைந்திருக்கவில்லை. முதல் செட்டை இழந்து நகத்தைக் கடிக்க வைத்து ஸின் வாங் காயம் காரணமாக வெளியேற அதனால் பதக்கத்தைப் பெற்று பெருமை சேர்த்திருக்கிறார் சாய்னா. ஆனால் அதைக் கொண்டாடாமல் தன் சக போட்டியாளரைப் (World Ranking 2) பற்றி நலம் விசாரித்தும், அதிர்டத்தால் மெடல் வந்தது என்கிற தோரணை ஏற்பட்டதால் தன் வெற்றியைக் கொண்டாடாமலும் தனது sportmanshipஐக் காட்டுகிறார்.

Saina Vs Xin Wang
Saina Vs Xin Wang – img (c) sports.ndtv.com

கொண்டாடக்கூடிய வகையில் இதை விட பெரிய வெற்றியைப் பதிவு செய்வார் என்றே நாம் நம்புவோம். விளம்பரம் மற்றும் அதில் வரும் பைசா இவரது திறமையை மங்காமல் பார்த்துக் கொள்ளவேண்டும்.

GOLD GOLD GO FOR GOLD

அவுட்லுக்
ஹாட்மெயில் போய் அவுட்லுக் வந்தது டும்டும்டும்
பெரிதாக சாதித்துவிட்டதாக “மைக்ரோசாப்ட் எதைச் செய்தாலும் உச்சுக் கொட்டுவோர் சங்க”த்தின் மதிப்புரைகளைப் படித்துவிட்டு எனக்கென்று ஒரு முகவரியையையும் பதிவு செய்தேன். அவ்வளவு பெரிய கம்பெனிக்கு அப்படி ஒரு கர்ண கொடூரமாய் ஓர் மின்னஞ்சல் சேவை. அதன் டிசைனரைக் கண்டிப்பாகப் பாராட்டவேண்டும்.
அனேகமாக விண்டோஸ் போன்களையும் டாப்களையும் தாக்குப்பிடிக்க வைக்க இந்த மின்னஞ்சல் சேவை உதவுதா பார்க்கலாம்

OUT of the fashion LOOK

மாண்டேக் சிங் அலுவாலியா


அய்யா அடங்கமாட்டார் போலிருக்கிறது. 2011-12ல வறுமை 29 %லிருந்து 26%சதமாகக் குறைந்துவிட்டது. டீசல் விலையை ஏத்தவிடலைன்னா பவர்கிரிட் பெயிலியர் மாதிரியான சம்பவங்கள் நிகழும் அப்டின்னு இந்த வாரம் ஏகத்துக்கும் கடுப்பேத்திட்டு இருக்கார். விலைவாசி ஏற்றம் ஒவ்வொருத்தன் பாக்கெட்டையும் கிழிச்சிருக்கு. நடுத்தர வர்க்கத்தின் அனைத்து தட்டுக்களையும் பாதித்திருக்கும்போது ஏழைகள் சதவீதம் எப்படிக் குறையும். ஒருவேளை இவன்தான் ஏழை அப்டிங்கிற விதிய மாத்திட்டாகளோ என்னவோ.

காங்கிரசின் கடுப்பேற்றல்
பவர் கிரிட் பெயிலியர் – பவர் மினிஸ்டர் ஷிண்டே உள்துறை அமைச்சராக மாற்றம்
(இது தண்டனையா வெகுமதியா?)
இதில் யாரையும் குறை சொல்ல அல்ல. ஏதோ ஒரு மாநிலம் எச்சாவாக கரண்டை உறிஞ்சிவிட்டார்கள். அதனால் கிரிட் கருகிவிட்டது என்கிறார்கள். நம்மால் அப்படிச் செய்ய முடியவில்லையே. இன்னமும் வடக்கு வாழ்ந்து தெற்கு தேய்வது தொடர்கிறது போல.

SHOCK

ஏர்இந்தியா ஈனாவானா
அந்நிய நாட்டுக்கு பயண வசதி வழங்கும் ஏர் இந்தியாவின் உரிமையை இனி ஜெட் ஏர்வேஸ், இண்டிகோ மற்றும் ஸ்பைஸ்ஜெட் பயன்படுத்திக்கொள்ளும். காதிற்கு இனிக்கும் இந்த செய்தியை காங்கிரசின் எரிச்சலூட்டும் ஆளுமையின் அடுத்த அத்தியாயம் என்று வைத்துக் கொள்ளலாம். அடுத்த நாட்டிற்கும் நமக்குமான சமபங்கு உரிமையுள்ள வான் வெளியை அந்நிய விமான நிறுவனங்கள் முழுமையாகப் பயன்படுத்துகின்றன. அதே நம் உரிமையைப் பயன்படுத்துகிறோமா இல்லை. அடுத்த நாட்டுக் காரன் விமானத்தில் நம்ம ஊருக்காரனை ஏத்தி அனுப்புவதில்தான் எத்தணை ஆனந்தம்?

Air India
Air India

ஏற்கனவே சந்தி சிரிக்கும் விமான உரிமை பயன்பாட்டில் இந்த அறிவிப்பு என்பது மூழ்கும் கப்பலில் ராக்கெட் லாஞ்சர் வைத்து அடித்தது போன்று இருக்கிறது. மோசமான பராமரிப்பு, ஏர்இந்தியா-இந்தியன் ஏர்லைன்ஸ் அரைவேக்காட்டு இணைப்பு உண்டாக்கிய தொழிலாளர் புகைச்சல், அடிக்கடி ஸ்ட்ரைக், சுத்தமாக நம்பகத்தன்மை கெட்டுப்போனது என்று ஒன்னுக்குமத்த ஒரு பிராண்டாக ஏர் இந்தியா மாறிவிருகிறது. இதற்குத்தான் டாடா நிறுவனத்திடமிருந்து இதனைத் தட்டிப் பறித்தார்கள் போல.

தூர்தர்சன்
BSNL
AIR
AIR INDIA
ஆகியவை தூர்ந்து போவதற்குக் காரணம் எச்சக் காசை வாங்க நாக்கைத் தொங்கப் போட்டிருக்கும் அரசியல் மற்றும் நிர்வாக எத்தர்கள் என்பது யாருக்கும் தெரியாமல் இல்லை. இது எங்க போய் முடியப் போகிறது என்றுதான் தெரியவில்லை.

AIRless INDIA

பிரதிபா பாடீல் பரிசுப் பொருட்களை தன் வீட்டிற்கு லவட்டிச் சென்றது – அண்ணா கஜாரே கட்சி ஆரம்பிப்பதாய் சொல்லி பல்பு வாங்கிக் கொண்டிருப்பது – சீச்சீ..

Advertisements

3 thoughts on “பீப்பி – சாய்னா – ஏர் இந்தியா

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s