நீ தொறக்காட்டி போடா – ஆப்கன் இந்தியா வான்வழி வர்த்தகப் பாதை


நம்முடைய அண்டை நாடு நம் மீது போரைத் திணித்தது. அதே நேரத்தில் இந்தியாவோ, நமக்கு பார்லிமெண்ட் கட்டிடம் கட்டித்தந்தது. அணை கட்டித் தந்தது. நம்முடைய மாணவர்கள் பலர் இந்திய கல்லூரிகளில் ஊக்கத்தொகையுடன் கூடிய படிப்பை மேற்கொண்டு வருகிறார்கள். ஒரு நிலையான, படித்த மக்களால் முன்னேடுக்கப்படும் அண்டை நாட்டையே இந்தியா விரும்புகிறது என்பது இதன் மூலம் தெளிவாகிறது

இவ்வாறு சொல்கிறது ஆப்கன் டைம்ஸ் பத்திரிகையின் தலையங்கம்.

இந்தியா ஆப்கனுடன் வர்த்தகம் செய்ய சண்டைக்காரன் வீட்டைத் தாண்டித்தான் போகவேண்டி இருக்கிறது. ஆப்கனுக்கு வேறு பிரச்சினை. எதையாவது ஏற்றுமதி செய்யவேண்டும் என்றால் பாகிஸ்தானின் கராச்சி துறைமுகத்தை நம்பி உள்ளது. பாகிஸ்தான் வழியாக இந்தியாவிற்குப் பொருட்கள் அனுப்ப கெடுபிடிகளுடன் அனுமதி தரும். ஆனால் இந்தியாவிலிருந்து எந்தப் பொருட்களையும் இறக்குமதி செய்ய அனுமதி இல்லை. சரக்கை இறக்கிவிட்டு வெறும் லாரியைத்தான் ஓட்டி வரவேண்டும்.

போதாக்குறைக்கு பாகிஸ்தான்-ஆப்கன் வாய்க்கால் தகறாறு (எல்லைப் பிரச்சினை) அவ்வப்போது ஏற்பட்டு, பாகிஸ்தானிகள் சுத்தமாக கதவைப் பூட்டி விடுகிறார்கள். ஏற்றுமதியை அனுமதிப்பதில்லை. எனவே ஏற்றுமதி செய்ய இயலாமல் பழங்கள் மற்றும் பிற பொருட்கள் அழுகிப் போய்விடுகின்றன என்று ஆப்கன் விவசாயிகள் விசனப்படுகிறார்கள்.

‘நீ தொறக்காட்டி போடா..’ என்று சரக்குகள் airlift செய்யப்பட்டுவிட்டன. போன திங்கட்கிழமை, 60 டன் சரக்குகளை சரக்கு விமானத்தில் ஏற்றி டெல்லிக்கு அனுப்பிவிட்டார் ஆப்கன் அதிபர் கானி. அதை விமான நிலையத்திற்குச் சென்று பெற்றுக்கொண்டார் சுஷ்மா. அதில் வந்த பெருங்காயம் இந்தியாவில் விற்றுத் தீரும் முன்னர் போனவாரம் இரண்டாவது விமானம் கந்தஹாரிலிருந்து உலர் பழங்களை ஏற்றிக் கொண்டு டெல்லி வந்தது. காலணிகள், மருந்துப் பெட்டிகளை ஏற்றிக்கொண்டு திரும்பப் பறந்துவிட்டது.

நான்கு நாட்களுக்கு முன்னர் வெளி வந்திருக்கும், ஆப்கன் தூதரின் பேட்டி ஒன்றை வாசித்தேன். பாகிஸ்தானின் இந்தத் தடையால் ஆப்கனுக்கும் இந்தியாவிற்கும் நட்டமாகும் என்று நினைத்தார்கள். ஆனால் யார் தடைவிதிக்கிறார்களோ அவர்கள்தான் பாதிக்கப்படுவார்கள் என்று கடாசி இருக்கிறார்.

எப்படி என்று பார்த்தால் –
ஆப்கன்-பாகிஸ்தான் வர்த்தகத்துடன் ஒப்பிட்டால் ஆப்கன்-இந்திய வர்த்தகம் ஒன்றுமே இல்லை. பாகிஸ்தானுடன் ஆண்டுக்கு 5பில்லியன் அளவிற்கு கொடுக்கல் வாங்கல் செய்யும் ஆப்கன், இந்தியாவுடன் 700மில்லியன் வரைதான் வர்த்தகம் செய்கிறது. ஆனால் இந்தத் தடையின் காரணமாக, ஆப்கன்-பாக் வர்த்தகம் 27சதம் வரை பாதிக்கப்பட்டுள்ளதாக சொல்கிறார். அது இந்தியாவுடனான ஒட்டு மொத்த வர்த்தகத்தைப் போல இரு பங்கு! அவ்வளவு பெரிய நட்டம் சாதாரணமாகத் தெரிகிறதா பாகிஸ்தானுக்கு? ஒரு பொது அறிவு வேண்டாமா என்று கொந்தளிக்கிறார்கள் ஆப்கன் வாசிகள்

ஈரானில் இந்தியா கட்டிக்கொண்டிருக்கும் சபஹார் துறைமுகம் வழியாக அடுத்தடுத்த வியாபார வழிகளும் தேடப்படுகின்றன. இந்த சபஹாருக்கும், பாகிஸ்தானில் சீனா கட்டும் க்வதார் துறைமுகத்திற்கும் ஒன்ன தொலைவு வெறும் 72 கிமீ. கப்பல் துறையில் உள்ளவர்களுக்கு அருகருகே உள்ள துறைமுகங்களால் வரும் இழப்புகள் தெரியும்.

அருகருகே அமைந்திருக்கும் பாகிஸ்தானின் குவதார் மற்றும் ஈரானின் சபஹார் துறைமுகங்கள். photo (c) daily mail UK
அருகருகே அமைந்திருக்கும் பாகிஸ்தானின் குவதார் மற்றும் ஈரானின் சபஹார் துறைமுகங்கள். photo (c) daily mail UK

சபஹாரில் முதலீடு செய்ய ஜப்பானுக்கும் அழைப்பு விடுத்திருக்கிறார்கள். ஜப்பான்-இந்தியா-ஆப்கன்-ஈரான் என்று இது ஒரு ரெயின்போ கூட்டணி.

வரவேற்பு இருந்தால் அடுத்தடுத்த நகரங்கள் கந்தஹார், ஜலாலா பாத், மாஷார்-ஈ-ஷெரீஃப் நகரங்களும் அமிர்தசரஸ், மும்பை, குஜராத் உடன் இணைக்கும் வாய்ப்புகள் உள்ளன.

இந்தத் திட்டத்தை சீனா விமர்சித்துள்ளது. சிபிஈசியில் எதிர்க்க இந்தியாவும் இதில் ஆர்வம் காட்டுகிறது. மக்களுக்குப் பயன்படும் திட்டம் எதுவோ அது வெற்றி பெறும்!

வளர்க பாரதம்!

Advertisements

ஜனநாயகக் கடன் – மியான்மர்


Update: 2016 March 23 6:20 PM.

Suu Kyi would take Foreign Affairs, President’s Office, Education and Energy ministries.

‘ம்ஹூம். அவன் அதுக்கெல்லாம் சரிப்படமாட்டான்’.

வாஜ்பேயி வந்தாரு. கிழக்கைப் பாருன்னாரு. ‘நீ வேலையைப் பாரு’ அப்டின்னு கீழ இறக்கி உட்டாங்க. பின்னே ஒரு பத்தாண்டு மன்மோகன் அரசில கிழக்கைப் பார்த்தால், ‘சுசுவா’ ‘சுசுவா’ என்று கண்ணத்தில் போட்டுக்கொள்வதோடு சரி. கிழக்கைப் பார் என்றால் பாரம்பரிய இந்தியாவின் பார்வை சிங்கப்பூரைத் தாண்டாது.

அதையும் மீறி, வியத்நாமில் போய் ஆயில் தோண்டுறேன் பேர்வழி என்று போனோம். ‘அத்துப் புடுவேன் அத்து’ என்று அந்தப் பக்கமாக ஒரு சத்தம் கேட்டது. வாலைக் கக்கத்தில் சுருட்டிக்கொண்டு ஓடி வந்துவிட்டோம். இதுதான் இந்தியாவின் கிழக்காசிய கொள்கை! நேரு காலத்தில் பொற மண்டையில் வாங்கிய அடியில் நமக்கு இன்னமும் சித்தம் தெளியவில்லை. பர்மாவின் நிலைத்தன்மை ஏன் இந்தியாவிற்குத் தேவை என்கிற இந்தப் பதிவோடு, இந்த தொடரை நிறைவு செய்கிறேன்.

Oh we need power for the sake of making change. Let us not be pusillanimous about it. If we want to bring about the kind of changes we want, we need power, not power for the sake of power, but power for the opportunity of bringing about the changes we would like to bring about.

தி இந்து பத்திரிகைக்கு 2012ல் சூ கி அளித்த பேட்டி

ஆசியானும் இந்தியாவும் பின்னே IMTயும்

சமீப காலமாக இந்தியா ஆசியான் கூட்டமைப்பு நாடுகளுடன் உறவை வளர்த்துக் கொள்ள முயன்று வருகிறது (காலம் கடந்து). மிலிட்டரிப் பயிற்சிகள் மேற்கொள்ளப் படுகின்றன. இந்தியா ஆசியானுடன் வர்த்தக மற்றும் இராணுவ ஒத்துழைப்பை விரும்புவதாக சமிஞ்ஞை உலகத்திற்கு அனுப்பப்பட்டுள்ளது. ஆசியானை, இந்தியாவுடன் சாலை வழி இணைக்க, ஒரு ரோடு தேவை. தெற்கே ஆசியான். மேற்கே இந்தியா. வடக்கே சீனா. முச்சந்தியில் புள்ளையார் கோயிலைக் கட்டிக்கொண்டு உட்கார்ந்துள்ளது மியான்மர்.

imt-highway2

ஆக, இந்தியா, மியான்மர், தாய்லாந்து சாலை வழி பயணிகள் மற்றும் சரக்குப் போக்குவரத்து திட்டமிடப்படுகிறது (இந்தப் பதிவை எழுதிக்கொண்டிருக்கும் நேரம், சாலைகள் அமைச்சகம் இன்னும் 15 நாட்களில் ஒப்பந்தம் கையொப்பமாகும் என்று தெரிவித்துள்ளது).

பர்மா வழியான பட்டுப் பாதை பற்றி முந்தைய பதிவு வில் பேசினோம். அதனுடன் சேர்ந்து இந்தியாவும் ஆசியானும், இந்த ஐஎம்டிஐ முன்னெடுக்கின்றன.

And I think, sometimes I think rather than disappointment, sad is the word I would use because I have a personal attachment to India through my friends as well as because of the friendship that existed between my father and Jawaharlal Nehru, because of the closeness that existed between the countries. So rather than disappointed, I was sad that it had to be like that.

இந்தியாவுக்கு மியான்மர் எந்த அளவில் உதவலாம்?

இந்தியாவின் பார்வையிலிருந்து – கடந்த சுதந்திர தினத்தன்று ஒரு வட கிழக்கு மாநிலங்களின் சாலைவழி தொடர்பு பற்றி ஒரு நாளேட்டின் செய்தியைப் பகிர்ந்திருந்தேன். இவ்வளவு வேகமாக ஒப்பந்தம் வரை சென்றிருப்பது நல்ல ஒரு மாற்றம். தவிர சீனாவிலிருந்து கோல்கத்தா  வழி பங்களாதேஷ் சாலையும் பேசப்படுகிறது.

I’d like to see a closer relationship between our two peoples, because I’ve always felt we had a special relationship — India and Burma — because of our colonial history, and because of the fact that the leaders of our independence movement were so close to one another.

வட கிழக்கு மாநில சச்சரவுகளை ஒழிக்க ஒரே வழி, அவர்களின் முன்னேற்றம் தான். அடங்கிக் கிடந்தால் ஆகாது. நாகாலாந்துக் காரன் பெங்களூர் வந்தால், ‘சீனாக்காரனை அடி’ என்று கல்லால் அடிக்கிற தேசம் இது. ஆக, அவர்களின் முன்னேற்றத்திற்கு, வட கிழக்கை எளிதில் ஒரு துறைமுகத்துடன் இணைக்க, இந்தியாவிற்கு பர்மா உதவலாம். ஐஎம்டி வடகிழக்கு மாநிலங்களை, அத்துறைமுகத்துடன் இணைக்க உதவும்.

(c) http://www.asiasentinel.com
(c) http://www.asiasentinel.com

மியான்மரில் இந்திய எதிர்ப்பு முகாம்கள் நிறைய உள்ளது. கடத்தல் ஆசாமிகள் உள்ளனர். அதற்கெல்லாம் உதவிய ஒரு ராணுவ பூட்சுக்காரனைப் பிடித்து சிறையில் தள்ளியுள்ளது பர்மா அரசாங்கம். இந்தக் கழிசடைகளின் ஆக்கிரமிப்பை ஒடுக்க, இந்தப் பிராந்தியத்தின் பொருளாதார வளர்ச்சி இந்தியாவிற்கு இன்றியமையாதது.

சீனாவின் மியான்மர் திட்டங்கள் கடுமையான சர்ச்சையை ஏற்படுத்தி உள்ளன. சுரண்டலாகவும், சுற்றுப்புற பிரச்சினையாகவும் அது பார்க்கப்படுகிறது. இந்துமாக்கடலை எளிதில் அடைய மியான்மரின் உதவி சீனாவிற்குத் தேவைப்படுகிறது. மியான்மரின் புதிய அரசுடன் நல்லுறவை வளர்த்துக்கொள்ள விரும்புவதாக சீனா அறிவித்துள்ளதன் காரணங்களில் இதுவும் ஒன்று. சீன அளவிற்கு இந்தியாவிடம் பணமில்லாது இருக்கலாம். ஆனால் ஒரு நம்பிக்கையான நட்பு நாடாக அரசியல், வியாபார மற்றும் இராணுவ ரீதியில் இந்தியா இருக்க இயலும்.

சுற்றலா பற்றிப் பெரிதாகப் பேசுகிறார்கள். அது பெரிய மாற்றத்தை ஏற்படுத்தும் என்று தோன்றவில்லை. ‘இந்தியாவா.. ரேப் பண்ணிடுவானுங்கள்’ என்பதுதான் கிழக்காசிய யுவதிகளின் பயமாக இருக்கிறது. வேண்டுமானால், இந்தியர்கள் பர்மா, தாய்லாந்து, கம்போடியா என்று காரை எடுத்துக்கொண்டு சுற்றி வரலாம். முடிந்தால் நானும் நீங்களும் போய்வரலாம்.

இராணுவ ரீதியாக மியான்மர் சீனாவின் பிரதேசமாக ஆக்காமல் இருக்க இந்தியா அங்கு செல்லவேண்டும் என்று பேசுகிறார்கள். அதுவும் ஒரு டைம்பாஸ். உன்னை அடிக்க, அவன் ஒளிஞ்சி ஒளிஞ்சி வரனுமாக்கும்.

மியான்மருக்கு இந்தியா என்ன செய்யலாம்?

மியான்மரின் பார்வையிலிருந்து பார்த்தால், ஏற்கனவே இந்தியா அங்கு முதலீடு செய்யத் தொடங்கி உள்ளது. தவிர, வியாபார ரீதியில் அங்கிருந்து நாம் இறக்குமதி செய்வதுதான் அதிகம். எனவே இந்தியாவின் வியாபார உறவு என்பது மியான்மருக்கு நட்டத்தை அளிக்காது.

பர்மா காளி கோயில்
பர்மா காளி கோயில் (விக்கிபீடியா)

சும்மா அசமந்தமா இல்லாமல், இலங்கை மாலத்தீவுகளில் தூங்கி வழிந்தது போல் இல்லாமல், மியான்மரின் அரசியல் நிலைத்தன்மையை வலுப்படுத்த, மக்களாட்சிச் சீர்திருத்தங்களை அமல் படுத்த உதவவேண்டும். பர்மிய உறவுகளை தொடர்ந்து ‘வைடு’ பந்துகளைப் போட்டு வந்த இந்தியா, இனிமேலாவது பொறுப்புணர்ந்து செயல்படவேண்டும்.

பிரிவினை வாத கும்பல், கடத்தல் அட்டகாசம் எல்லாம் நடக்கும் வடகிழக்குப் பிராந்தியத்தை, மியான்மருடன் இணைத்து ஆசியானுடைய, இந்திய வாசலாக மியான்மரை வைக்கலாம்.

சூ கி யை ஏமாற்றி உள்ளது இந்தியா. வேறு வழியில்லை என்று இராணுவ அரசுடன் உறவு வைத்துக்கொண்டு, உலகின் பெரிய ஜனநாயக நாடாக இருந்த போதிலும், பர்மிய ஜனநாயக முயற்சிகளுக்கு ஆதரவு தராமல் பின்னடைவை ஏற்படுத்தியுள்ளது. பர்மிய ஜனநாயக முயற்சி என்பது எளிதானதல்ல. ஆனால் நடந்து வரும் முன்னேற்றங்களை இந்தியாவும், உலக நாடுகளும் ஊக்குவித்து, அங்கீகரிக்கவேண்டும் என்கிறார் சூ கி.

And we have to do all that building ourselves, and I think this needs to be recognised by India and by the rest of the world — that we are not on the smooth road to democracy. We still have to be given the chance to build the road to democracy.

ஆசியான், சீனாவிற்கு மியான்மரின் உறவு என்பது வியாபார ரீதியாலானாது.  அதனை விட ஒரு படி மேலே போய், அந்நாட்டில் மக்களாட்சியை வளர்த்தெடுக்க, இந்தியாவைத் தவிர வேறெவருக்கும் பொறுப்பு இருக்காது. கிழக்காசியாவில் எத்தனை ஜனநாயக நாடு? விரல் விட்டு எண்ணிவிடலாம். பக்கத்தில நந்தி மாதிரி இருந்திட்டு, மக்களாட்சிக்கு ஏங்கும் பர்மாவை, மீண்டும் ஒரு முறை தவிரவிடக்கூடாது, இந்தியா.

பலருக்கு மியான்மர் முக்கியம்

சீனாவிற்கு தென்கிழக்கு ஆசிய நாடுகளை அடைய, பட்டுவழியை இந்துமாக்கடலில் இணைக்க, பர்மாவின் ஸ்திரத்தன்மை அவசியம்

இந்தியா ஆசியானுடன் வர்த்தக உறவு கொள்ள, வடகிழக்கு மாநிலங்களை துறைமுகத்துடன் இணைக்க மியான்மரில் ஒரு நிலையான அரசு தேவைப்படுகிறது

கிழக்காசியாவில் அமைதி, வளர்ச்சிக்காக, மியான்மரில் நிலையான அரசு அமைய ஆசியான் விரும்புகிறது

எல்லாவற்றுக்கும் மேல், 50 ஆண்டு காலம் பூட்ஸ் காலடியில் மிதிபட்டிருந்த நாட்டை, மக்களாட்சிக்கு மாற விரும்பும் அந்நாட்டு மக்களின் கனவு பலிக்கவேண்டும்.

ஆம், முச்சந்தியில் அடைப்பு ஏற்பட்டால், எல்லா பக்கமும் தண்ணீர் தேங்கும்.

You may divorce a spouse, but you can’t move away from your neighbouring country. So it’s very important that you maintain good relations. And again, I think, it’s people to people relationships which are most important. It’s not government to government. Governments come and governments go. But the peoples of the countries, they remain. And if we manage to establish genuine friendship between our peoples, then the future will be good for us. That’s not impossible.

Must read interview – ‘Let’s not be over-optimistic about Burma’

(இறுதி)

வளர்க பாரதம்

முந்தைய பதிவுகள்

  1. ரகுபதி ஈ – மியான்மர் கூத்து – 1
  2. பர்மா நம்ப பயடா.. பேசும்போது காது ஆடிச்சி பாத்தியா – மியான்மர் கூத்து – 2
  3. 2

 

பர்மா நம்ப பயடா.. பேசும்போது காது ஆடிச்சி பாத்தியா


“மன்னர் ‘லெவன்’ பிங் அவர்களே, தங்களைக் காண ஒற்றர் வாத கோடாரி வந்துள்ளார்.”

“வரச் சொல்” சீன பங்குச் சந்தை வரைபடத்தைப் பார்த்துக் கொண்டிருந்த ஜின் பிங் காவலாளியின் முகத்தைப் பார்க்காமலே பதில் சொன்னார்.

ஜின்- “வாய்யா கோடாரி, என்ன விசேசம்?”

கோடாரி – “விசேசம் இருந்தால் ஏன் வரப்போறேன் தலிவரே? இந்தப் பிக்காளி பயபுள்ளைக பன்ற அக்குருமம் நாளுக்கு நாள் ஜாஸ்தி ஆயிட்டே போகிறதே. அதைத்தான் காதில போட்டுட்டுப் போகலாம்னு பார்த்தேன்”

ஜின் – “நமக்கு நிறைய பிக்காளிகள் இருக்காய்ங்க. எந்தப் பிக்காளியைப் பத்திப் பேசற நீயி”

கோடாரி – “பர்மா பத்திதான் சொல்றேன் தலிவரே. நம்ப கண்ட்ரோல்ல இருந்த பயக, இப்ப மேற்குப் பக்கமா சாய்ஞ்சிட்டு இருக்காய்ங்க. பிரசிடெண்டா இருக்கறப்ப, கடைசில இந்தியாவுக்கு சாமி கும்பிடப் போறேன்னு கிசும்பு பண்ணினான். அவனுக்கு அப்புறமா வந்து, இந்த மாசம் பதவி விலகப் போகிற த்தேய்ன் ஸெய்ன் தொடர்ந்து நம்மிடமிருந்து விலகிப் போயிட்டே இருக்கான் தலிவரே. ரிஃபார்ம் பண்றேன் அப்டின்னு கூத்தடிச்சிட்டு இருக்கான். மீடியா மீதான சென்சார்சிப்பைக் குறைத்தான். அரசியல் கைதிகளை விடுவித்தான், ஆங் ஸான் சூ கி உட்பட. 2012 பை எலக்சன்ல சூ கி தலைமையிலான எதிர் கட்சி NLDஐ எலக்சன்ல நிக்க வெச்சான்.”

ஜின் – “மீடியா, எதிர் கட்சி, எலக்சன் இந்த வார்த்தை எல்லாம் கேட்டால் குடலைக் குமட்டுது கோடாரி”

Narendra Modi with Thein Sein at Presidential Palace in Myanmar - PTI Photo
Narendra Modi with Thein Sein at Presidential Palace in Myanmar – PTI Photo

கோடாரி – “அதுக்குள்ளயேவா, இந்தப் பிக்காளிப் பயபுள்ள, இன்னொரு வெவகாரத்தையும் செஞ்சிட்டு இருக்குறான்ங்க. அவிய்ங்க ஊருல மையிட்சோன் அணை கட்டி அதில புனல் மின்சாரம் உற்பத்தி செய்து, `உனக்கு உமி எனக்கு அரிசி’ ன்னு ஒரு அஜ்ஜீஸ்மெண்டுல கரண்டு வாங்கிட்டு இருந்தோம். ‘வெள்ளம் சாஸ்தியா இருக்குது. பர்மாவுக்குக் கரண்டு வரலை. நாம் அதிகமா மின்சாரம் எடுத்துக்கிறோம். சுற்றுப் புறச் சூழல் பாதிக்கப்படுகிறது’ அப்டின்னு பல கரச்சல் பண்ணிட்டு இருந்தாய்ங்க. நீங்களே சொல்லுங்க தலை. ஆப்பிரிக்காவில நாம பண்ணாத அழிச்சாட்டியமா. அவிங்க எல்லாம் எப்புடி காசு வாங்கிட்டு கம்முன்னு இருக்கறாய்ங்க. இந்த பயகளுக்கு மாத்திரம் ஏன் இவ்வளவு சண்டித்தனம்? இந்தத் த்தேய்ன் ஸெய்ன் நம்ப அணை திட்டத்தை நிறுத்திபிட்டான் தலிவரே.”

ஜின் பிங்குக்கு கும்பியோடு சேர்த்து உடலே எரிய ஆரம்பிக்கிறது. மேலும் வெறியேற்றிக் கொள்ள, சூடான சீன டீயை உள்ளே இறக்கிக் கொண்டார்

A Myanmarese living in Malaysia displays a placard in protest against the Myitsone dam project, outside Myanmar's embassy in Kuala Lumpur September 22, 2011.  REUTERS/Bazuki Muhammad
A Myanmarese living in Malaysia displays a placard in protest against the Myitsone dam project, outside Myanmar’s embassy in Kuala Lumpur September 22, 2011. REUTERS/Bazuki Muhammad
Burmese living in Malaysia display placards in protest against the China-backed Myitsone dam project, outside the Burmese Embassy in Kuala Lumpur in September 2011. (Photo: Reuters)
Burmese living in Malaysia display placards in protest against the China-backed Myitsone dam project, outside the Burmese Embassy in Kuala Lumpur in September 2011. (Photo: Reuters)

கோடாரி – “போதாக் குறைக்கு கொக்கான் பகுதி பிரச்சினை வேற நமக்கு எதிரா போயிருச்சு. இந்தியாவோட அருணாச்சல் பிரதேசமும், பர்மாவோட கொக்காங் பிரதேசமும் நம்பளோட பகுதிகள்தானே தலிவரே. பர்மா கம்யூனிஸ்ட் தோழர் கட்சிகளோட சார்பில MNDAA படைகள் ரொம்ப காலமா வாய்ப்பு எதிர்பார்த்திட்டு இருந்தானுக. மித்த புரட்சிப் படைகள் மாதிரியே கடத்தல் செய்து வயிறு கழுவிட்டு இருந்தானுக. அந்தப் பசங்கள ‘கொக்காங் எல்லைப் பாதுகாப்பு படையா, மிலிட்டரிக்குக் கீழ இருங்கடா’ன்னு பர்மா பேசப்போக ரோசம் வந்து பொங்கி, போன வருசம் பிப்ரவரி மாசம் கொக்கான்ல தாக்குதல் நடத்தினாய்ங்க.”

Children queue for food at a refugee camp in the Kokang region of Myanmar, near the border with China, on February 21, 2015. (Stringer/Courtesy: Reuters)
Children queue for food at a refugee camp in the Kokang region of Myanmar, near the border with China, on February 21, 2015. (Stringer/Courtesy: Reuters)

“கிட்டத்தட்ட 40 லேருந்து 50 ஆயிரம் பேரு வீடு வாசல விட்டு சீனா பார்டர் தாண்டி அகதியா போனாங்க. 4500 பேரு மட்டும் பர்மாவோட ஷான் மாநிலத்துக்கு வந்தாய்ங்க.  அந்த சமயத்தில அவிய்ங்க கூட சண்டை போடுறேன்னு சொல்லி இந்த பர்மாகாரய்ங்க நம்ப ஊரு கரும்புக் காட்டுல பாம் போட்டு 8 பேரைக் கொன்னு போட்டாய்ங்க. அப்புறமா நாம் மிரட்டப்போக, மன்னிச்சிருங்க சாமின்னு கால்ல விழுந்தாய்ங்க.”

“ஆனா தலிவரே, பர்மா மிலிட்டரி உளவு பார்த்து சொன்ன ரிப்போர்டு வேற மாதிரி இருந்தது. முன்னாள் சீன ராணுவத்தினரை கூலிக்கு வைத்துக்கொண்டு, MNDAA படைகள் ஆதரவு தேடிகிட்டதா சொல்லுது. ஆனா அதெல்லாம் கிடையாது அப்டின்னு இந்தியாவில இருந்து வந்த கற்பூரத்தை அணைச்சி சத்தியம் பண்ணிட்டோம். பின்னால பிரச்சினை ஏதும் வந்தா, அது இந்தியா கற்பூரம், சத்தியம் செல்லாதுன்னு சொல்லிக்கலாம் பாருங்க.”

ஜின் – “ப்ப்ப்பூ….” என்று ஊதிக் கொண்டார்.

ஜின் – “இந்த லட்சணத்தில இந்த சூ கி பொம்பளை வேற அடுத்த மாசம் வரப்போகுது. அவிங்க ஊரு பசங்க அம்புட்டு பயலும் ஒட்டு மொத்தமா இந்த அம்மாவுக்கே ஓட்டு குத்திப்பிட்டாய்ங்க. அந்த அம்மாக் கண்டாலே குமட்டுது கோடாரி. அதென்ன மக்களாட்சி மண்ணாங்கட்டி. 2011க்குப் பிறகு அங்க மேற்கத்திய ஆதிக்கம் அதிகமாயிருக்கு. வெளிநாடுகள் பணம் போட ஆரம்பிச்சிருக்காய்ங்க. அது நமக்கு தலைவலி. நாமதான் முதல்ல அங்க முதலீடு பண்ணியிருக்கோம். இத்தணைக்கும் பர்மா மீதான தடையை அமெரிக்கா நீக்கனும்னு சொன்னதே நாமதான். முதல் அறுவடை நாம செய்யவேண்டாமா. ”

Myanmar's National League for Democracy (NLD) delegation led by its chairperson Aung San Suu Kyi (C) and officials from Chinese Embassy pose for a group photo at Yangon International Airport in Yangon, Myanmar, June 10, 2015. Aung San Suu Kyi left here on Wednesday for her first visit to China aimed at enhancing mutual understanding and promoting cooperation and friendly relations between the two neighbors. [Photo/Xinhua]
Suu Kyi at China -2015 Myanmar’s National League for Democracy (NLD) delegation led by its chairperson Aung San Suu Kyi (C) and officials from Chinese Embassy pose for a group photo at Yangon International Airport in Yangon, Myanmar, June 10, 2015. Aung San Suu Kyi left here on Wednesday for her first visit to China aimed at enhancing mutual understanding and promoting cooperation and friendly relations between the two neighbors. [Photo/Xinhua]
கோடாரி – “யூ ஆர் ரைட். இந்தம்மா வந்ததில இருந்தே பேசுற பேச்சே சரியில்லை. நம்பள பகைச்சிக்க முடியாதுங்கறதையும் உணர்ந்திருக்கு. அதே சமயத்தில ரொம்ப டிப்ளமேட்டிக்கா பேசுது. பொம்பளைங்க எப்படி பேசலாம்? நம்ப ஊரு மிஸ்ட்ரெஸ் நகரத்தில தவிர அவிக எங்கயும் பேசவே கூடாது. ‘பெய்ஜிங் உறவு பற்றி சிறப்பான கவனம் தருவேன்’னு சொல்லுது. அதே சமயத்தில, ‘வெளிநாட்டு உறவுகள்ல நடுநிலைமை நிலையைப் பின்பற்ற முயல்வோம்’னும் சொல்லியிருக்கு.  தேங்காய் எண்ணையைத் தடவிக்கொண்டு, வெறும் கையில் கெழுத்தி மீனைப் பிடிப்பது போல இருக்கிறது தலைவரே. ‘பொருளாதார திட்டங்கள்ல, வெளிப்படைத்தன்மை வேணும்’னு செல்லுது. அப்படி வெளிப்படைத் தன்மை கொண்டு வந்தா, மைஸ்டோன் அணை கரண்டு முழுவதையும் அவிங்களுக்கே கொடுத்திட வேண்டியதுதான். வேணும்னா சொல்லுங்க. இந்தியாவில திருப்பதிங்கிற இடத்தில நாமக்கட்டி கிடைக்கிதாம். வாங்கி ஆளுக்கு ஒரு நாமம் போட்டுக்குவோம்”

Chinese President Xi Jinping (R) meets Myanmar's pro-democracy leader Aung San Suu Kyi at the Great Hall of the People in Beijing on June 11, 2015. Myanmar's Aung San Suu Kyi met Chinese President Xi Jinping in Beijing on June 11, state media said, during her closely watched first visit that China hopes will establish a line of communication with the influential opposition leader.  (CNS)
Chinese President Xi Jinping (R) meets Myanmar’s pro-democracy leader Aung San Suu Kyi at the Great Hall of the People in Beijing on June 11, 2015. Myanmar’s Aung San Suu Kyi met Chinese President Xi Jinping in Beijing on June 11, state media said, during her closely watched first visit that China hopes will establish a line of communication with the influential opposition leader. (CNS)

ஜின் – “டோன்ட் ஒரி. எவ்வளவோ ஆடல்களைப் பார்த்திட்டோம். இதையும் பார்ப்போம். இப்ப இருக்கர பர்மா கவுருமெண்டு அவிங்க ஊரு மக்களாட்சி மெம்பருக, ஆய்வாளருக, பத்திரிகையாளருகளை நம்ப ஊருக்கு சமீபத்தில அனுப்பினாய்ங்க. நல்லா வந்து சுத்திப் பாத்தானுக. குளிப்பாட்டி அனுப்பிருக்கோம். ராவ் ஹுய்ஹுவா வை வெச்சி வேணும்கிறத பேசியிருக்கோம். One Belt, One Road திட்டத்தால பர்மாவுக்கு என்ன என்ன போஷாக்கு கிடைக்கும் என்பதை எல்லாம் அவிக மண்டையில ஏத்தி அனுப்பியிருக்கோம்.”

Silk Road Belt - Source: WSJ
Silk Road Belt – Source: WSJ

கோடாரி – “அப்பவும், நம்ம திட்டம் வெளிப்படையா இருக்கணும்னு பர்மாக் காரனுக சொல்லியிருக்கானுக தலிவரே. நாம சீனாக் காரங்களுக்கே வெளிப்படையா இருக்கிறதில்ல. இந்தப் பர்மா பதர்களுக்கு நாம ஏன் தாழ்ந்து போகனும்னு கேக்கறேன். உள்ளுர் மக்களுக்கு நன்மை நடக்கனும்னு சொல்றானுக. ஆப்பிரிக்காகாரன் அப்டியா கண்டிசன் போட்டு நம்பள உள்ள விடுறான். அவன் பாட்டுக்கு குடுக்கற பணத்தை வாங்கிட்டு கம்முன்னு, இரும்பு ஈயம் எல்லாத்தையும் நமக்கு அனுப்பி விடலை? இவனுகளுக்கு என்னா? பர்மா காரனுக டூர் வந்த சமயத்தில மைஸ்டோன் டாம் பத்தி பேசினானுக. நம்ப ஆளுக வாயத் தொறக்கல. அதனால புது அரசு அமைஞ்ச பின்னர், இது நல்லபடியா போகுமான்னு தெரியலை. திரும்பவும் பர்மா பத்திரிகையாளர்கள சீனாவுக்கு கூட்டி வந்து, ‘புனல் மின்சாரம்’ என்றால் என்ன என்று  கற்றுத்த தந்தால், நம்ப பக்கம் திரும்பினானும் திரும்புவாய்ங்க அப்டின்னு நினைக்கிறேன்.

ஜின் – “பண்ணலாம். ஜாஸ்தி செலவு வராம பார்த்துக்க..” (பங்குச் சந்தை கிராஃபைப் பார்த்துக்கொண்டே முனங்கிக் கொள்கிறார்)

bull-in-a-china-shop-shoreditch-chicken-whisky-restaurant-bar-drunken-monkey-hibiki-whisky-credit-mark-sethi

கோடாரி – “நீங்க One Belt, One Road பத்தி பேசறீங்க. அப்பால ஒருத்தன் இருந்திட்டு இந்தியா-பர்மா-தாய்லாந்து முத்தரப்பு சாலைன்னு குறுக்கு சால் ஓட்றான் தலிவரே. மணிப்பூருல அட்டாக் நடந்தா பர்மாவில வெடி வெடிக்கிது.”

ஜின் – “பர்மா நம்ப பயடா.. பேசும்போது காது ஆடிச்சி பாத்தியாலே.. கண்டிப்பா சொல்றேன். அவன் நம்ப சாதிக்காரப் பயதான்”

பிற பதிவுகள் –

ரகுபதி ஈ – மியான்மர் கூத்து – 1


இன்று காலையில் எழுந்து பில்டர் காப்பி போட்டுக் குடித்துக் கொண்டிருந்த பெரியவர் யூ தின் க்யாவ் ஐ, மியான்மர் தனது மக்கள் ஜனாதிபதியாக ஏற்றுக்கொண்டுள்ளது.  ‘மியான்மரின் ஓ.பன்னீர் செல்வம் வாழ்க’ என்கிற கோஷம் முழங்க உலக நாடுகளும் இதனை ஏற்றுக்கொண்டுள்ளன. தின் கியாவ், சூ கி யோடு எந்த பள்ளியில் படித்தார், எந்த கார் ஓட்டினார் என்பதெல்லாம் நமக்குத் தேவையில்லாத விசியம். நமக்கு இது எப்படி இருக்கும் என்பதே எனக்கு ஆர்வமாக இருக்கிறது.

Photograph - The Guardian - Aung Shine Oo-AP
Photograph – The Guardian – Aung Shine Oo-AP

மக்களாட்சி முன்னேற்றக் கூட்டணியின் மகத்தான வெற்றிக்குப் பிறகு, அதிகாரப் பகிர்வு, சரியான (பொம்மை?) ஜனாதிபதி தேர்வு என்று தினசரி சலசலப்பு ஒலிகள் எழுந்துகொண்டிருந்தன. ஒரு வழியாக எல்லாம் முற்றுக்கு வந்துள்ளது. சூ கி-க்கு ஒரு நம்பிக்கையானவராக உடன் பணியாற்றப் போகிறார் தின் க்யாவ்.

இந்தப் பக்கம் இந்தியா 1000 கிமீ அளவின் தன் எல்லையை மியான்மருடன் பகிர்ந்து கொண்டுள்ளது. அந்தப் பக்கம் புல்டோசர் மாதிரி சீனா நின்று கொண்டுள்ளது. கேக்குக்கு நடுவில் வெண்ணை வைத்தது போல, மியான்மர் அமைந்துள்ளது. அந்த வகையில் சீனா மற்றும் இந்தியாவிற்கு பூகோள ரீதியாகவும், அரசியல் ரீதியாகவும் இந்த நாடு முக்கியத்துவம் பெறுகிறது.

குண்டன் குடுமி

பாகிஸ்தான் மாதிரிதான் சீனாவிற்கு மியான்மரும் என்கிற மாதிரி ஏதோ திருவாய் மலர்ந்திருக்கிறார் சீனாவுக்கான மியான்மர் தூதர்,. (வெளியுறவு இன்னும் மக்களாட்சிக்குப் போகவில்லை. இராணுவ குண்டன்கள் கையில்தான் இருக்கிறது. எனவே குண்டனின் குடுமி இப்படித்தான் ஆடும். வேறு வழியில்லை). பாகிஸ்தானுக்காக சீனா பல முதலீடுகளைச் செய்யதுள்ளது. PoK யில் சாலை, துறைமுகம் என்று. இந்தியா இருப்பதால் பாகிஸ்தானுக்குக் கிடைத்த வாழ்வு இது. அது போன்ற வாழ்வை மியான்மர் விரும்புவதாகவும் இவருடைய இந்தக் கூற்றை எடுத்துக் கொள்ளலாம்.

Source: The Economist
Source: The Economist

சூ கிக்கு இந்தியா ஆதரவாகவே இருந்துள்ளது. பூட்சு காரர்கள் வந்து அவரை அலேக்காக வீட்டுக்காவலில் வைத்துவிட்டு, நாட்டைக் கையிலெடுத்துக் கொண்டதும், இந்தியா அவரை ஆதரித்துள்ளது. 90களில் அவருக்கு விருதையும் வழங்கி கவுரவப் படுத்தியது. துரதிருஷ்ட வசமாக, அவருடைய சிறை வாசம் நீண்டு கொண்டே இருந்தது. இடைப்பட்ட நாட்களில், இந்திய எதிர்ப்பு குழுக்களின் கூடாரமாக மியான்மர் ஆகிப் போனது. மியான்மரின் மக்களாட்சிப் போராட்டத்தை ஆதரித்த இந்தியா, ஒரு கட்டத்தில் தன் நிலைபாட்டை மாற்றிக்கொண்டு, பூட்சுக் காரர்களுடன் வியாபார ஒப்பந்தம் செய்து கொள்ள ஆரம்பித்தது. இந்தியாவில் உள்ள பர்மிய அகதிகள் கொதித்துப் போனார்கள். 2010ல் ராணுவ ஜெனரல் த்தான் ஷ்வே, எதிர்ப்புகளுக்கிடையில், இந்தயாவிற்கு வந்து, புத்தர் கோயிலுக்கு வந்து சாமி கும்பிட்டு புளியோதரை தின்றுவிட்டுப் போனார். (இதே ஷ்வேதான் இந்தியாவிற்கு எதிராக சீனா விளையாடும் வண்ணம் பர்மிய கடல்படைத் தளங்களை சீனாவிற்குத் திறந்துவிட்டார்) மக்களால் தேர்ந்தெடுக்கப்பட்டுள்ள ஒரு அரசு அமைந்துள்ள இவ்வேளையில் சூ கி உடனான உறவுகளைச் செப்பனிட இந்தியா முயன்று கொண்டுள்ளது.

A protest in New Delhi by Burmese pro-democracy groups against the visit of Than Shwe head of Burmas military junta. Photograph -Gurinder Osan-AP
A protest in New Delhi by Burmese pro-democracy groups against the visit of Than Shwe head of Burmas military junta. Photograph -Gurinder Osan-AP

ரகுபதி ஈ

பூட்சு காரன் காலடிக்குப் போன மியான்மர், சர்வதேச நாடுகளின் அனுசரணையிலிருந்து விலகத் தொடங்கியது. ஆள் இல்லாத இடத்தில் எருக்கு முளைப்பது நடப்பதுதானே. எனவே இடைப்பட்ட காலத்தில், பூட்சுக் காரனுக்கு பாலீஷ் டப்பியிலிருந்து, இராணுவ டாங்கி வரை அனைத்திற்கும் ஏகபோக சப்ளையராக சீனா மாறி வந்தது. கொஞ்சம் கொஞ்சமாக சீனாவின் நிழல் மியான்மர் முழுவதும் படற ஆரம்பித்தது. இன்று சீனாவின் தாக்கமில்லாமல் ஏதுமில்லை என்கிற அளவிற்கு மியான்மரின் தினசரி வாழ்க்கை முறை மாறியுள்ளதாக சொல்கிறார்கள். ஏசியான் நாடுகளின் கூட்டமைப்பில், மியான்மரைச் சேர்ந்தது சீனா என்று சொல்கிறார்கள். தெரியலை. தென்கிழக்கு ஆசிய நாடுகளுக்கும், வங்காள விரிகுடாவிற்கும் பொடிநடையாகவே போய் சேர்ந்துவிடலாம் என்று சீனா கணக்குப் போட்டு செய்து வந்திருக்கிறது.

மக்களாட்சித் தத்துவம் பேசி, சந்தோஷமாக கிழக்கைக் கவனிக்கத் தவறவிட்ட இந்திய மத்திய அரசாங்கங்கள் மகிழும்படி, மியான்மர் சீனாவின் கோட்டையானது. அதன் இயற்கை வளங்களைச் சுரண்ட ஆரம்பித்ததோடு, இந்தியாவிற்கெதிராக முகாம்களையும் குஷியாக வளர்த்துவிட்டது சீனா. சீனா கொடுத்த அடியில் காங்கிரசுக்குப் பிடித்த சளி, இன்னும் கொட்டிக்கொண்டுள்ளதால், கிழக்கைப் பார்த்தாலே பதறுகிறது. அதை வசமாகப் பயன்படுத்திக் கொண்ட சீனா மியான்மருடன் வியாபாரம், எரி சக்தி மற்றும் இராணுவ உறவுகளை பலப்படுத்திக் கொண்டது.

Chinas President Xi Jinping R and Myanmars President Thein Sein shaking hands. China is the biggest investor in Myanmar. Photo REUTERS - China Daily
Chinas President Xi Jinping R and Myanmars President Thein Sein shaking hands. China is the biggest investor in Myanmar. Photo REUTERS – China Daily

இந்தியா ஈயை அடிக்கக் கிளம்பியது அப்போதுதான். ஏட்டின்படி, மியான்மரின் மக்களாட்சியை ஆதரித்தாலும், தனது மூலோபாய நலன்களைக் கணக்கில் கொண்டு, பூட்சுக் காரர்களுடன் வியாபாரம் பேச ஆரம்பித்தது. மக்களாட்சி கிளர்ச்சியாளர்கள் மீது மியான்மர் இராணுவம் வெறியாட்டம் நடத்திய பொழுது, இந்திய பெட்ரோலிய அமைச்சர், யங்கூனில் தங்கி ஒப்பந்தம் கையெழுத்துப் போடப் போயிருந்தார். சீனா ஆக்கிரமிக்கும் கரம் என்றாலும், இந்தியா ஒரு நட்பு மற்றும் நம்பிக்கையான நண்பன் என்று பூட்சுக் காரர்களின் ஹெல்மெட் மண்டைக்குள் இருந்த மூளைக்கு உரைக்கும் வண்ணம் சொல்லப்பட்டது. இந்த ஒரு நம்பிக்கையை இழக்க இந்தியா விரும்பாது.

-முடிந்த வரை வரும் 🙂

வளர்க பாரதம்

பிற பதிவுகள்

Kanhaiya Kumar FIR No. 110/2016 – பாகம் 2


கண்ணையா குமார் பிணை மனுவின் தீர்ப்பு பற்றிய தமிழ் பதிவு இங்கே உள்ளது

Kanhaiya Kumar FIR No. 110/2016 – பாகம் 1

பாய்ந்த புலியும், பதுங்கிய எலியும்

2016 sedition case 6

9ஆம் தேதி குழப்பம் நடந்துள்ளது.

  • அப்சல் குரு, மக்பூல் பட் வாழ்க
  • இந்திய முழுதாக ஒழியும் வரை போர் தொடரட்டும் போர் தொடரட்டும்
  • போ இந்தியா திரும்பிப் போ
  • இந்திய ஆர்மி – ஒழிக
  • இந்தியா துண்டு துண்டாக சிதறும், இன்ஷா அல்லா இன்ஷா அல்லா
  • அப்சல் கொலையை பொறுத்துக் கொள்ள மாட்டேன் பொறுத்துக் கொள்ள மாட்டேன்
  • கண்டிப்பாக  சுய சுதந்திரம் கொடுக்கவேண்டும்
2016 sedition case 2
2016 sedition case 2

இப்படி வீராவேஷமாகக் கூவிவிட்டு, 11ஆம் தேதி தேசத்திலும் அரசியலமைப்பிலும் நம்பிக்கை உள்ளதாக வலிய வந்து உரையாற்றுகிறார் கண்ணையா குமார் – ஏன்? கோர்ட் அதை எவ்வாறு எடுத்துக் கொண்டுள்ளது?

கபில் சிபல் சொல்றார் – இந்திய அரசின் மீதான நம்பிக்கை கண்ணையாவிற்கு உள்ளது.

அரசு என்ன சொல்கிறது – 9ஆம் தேதி கடுமையான குற்றங்கள் செய்துள்ளதால், தனக்கு நீதி மன்றத்தின் கோபத்திலிருந்து தற்காத்துக்கொள்ள செய்யப்பட்ட ஏற்பாடு.

இந்தியா உடையக்கூடாது என்று மனதார பேசினாரா, 9 ஆம் தேதி நடந்த பிரச்சினையிலிருந்து தன்னைத் தற்காத்துக் கொள்ள ஒரு பாதுகாப்பு கவசத்தை ஏற்படுத்த பேசினாரா என்பதையெல்லாம் இந்த தருணத்தில் கோர்ட் ஆராய முடியாது

– தீர்ப்பிலிருந்து

இதில் எது உண்மை என்று உங்கள் அறிவு உரைக்கிறதோ அதை எடுத்துக்கொள்ளுங்கள். (இவ்வளவு நேரம் செலவழிச்சி பதிவு எழுதறோம். உங்க மூளைக்கும் கொஞ்சம் வேலை கொடுப்போம்)

எது உண்மையோ எனக்குத் தெரியாது. ஆனால் கண்ணையாகுமாருக்கு நான் ஒன்று தான் சொல்லக் கடமைப் பட்டுள்ளேன் – ‘சிறையில் இருந்தால் கூட, நான் பேசியது தவறல்ல. ஜாமீன் செய்யமாட்டேன்’ என்று பிளிறியவர் எங்கள் மண்ணில் இருக்கிறார். அவர் பெயர் வை. கோபால் சாமி! கள்ளத்தோணி ஏறி இலங்கை போனாராம். நான் ஈழக் குடிமகனாவேன் என்றாராம். அட்சர சுத்தமாக செடிஷன் பேசும் அவரையே இந்தியா ஒன்றும் செய்யவில்லை என்பதை இங்கே பதிவு செய்கிறேன். அது தில்லு!

கனம் கோர்ட்டார் அவர்களே, பேச்சுரிமை என்னாச்சு?

2016 sedition case 7

பேச்சுரிமை கேட்கும் கண்ணையா கேளாய், ஒரு குடிமகனுக்கு உரிமையும் கடமையும் இரு கண்களாம்.

Part-III under Article 19(1)(a)ன் படி மனுதாரர் பேச்சுரிமையைக் கோருகிறார். Part-IV under Article 51Aன் படி ஒவ்வொரு குடிமகனின் கடமை என்பது உரிமைகளையும் கடமைகளையும் ஒரே நாணயத்தின் இரு புறங்களாக வைத்தே வரையறுக்கப்பட்டுள்ளன என்பதை அவருக்கு நியாபகப்படுத்த வேண்டி உள்ளது.

– தீர்ப்பிலிருந்து

நீதியின் கருணை?

இந்தத் தீர்ப்பு கல்விக் கூடங்களின் ஆசிரியர்கள் படிக்கவேண்டிய தீர்ப்பு என்றே நினைக்கிறேன். தீர்ப்பில் எங்கேனும் இந்த அரசியல் பிரச்சினை பற்றி பேசவில்லை. இணையத்தில் கம்பு சுழற்றப்படும் எந்த ஒரு வார்த்தையும் கண்ணையாவின் ஜாமீன் மனுவில் எதிரொலிக்கவும் இல்லை. மாறாக, நான் தப்பே செய்யலை. விட்டுவிடுங்கள் என்கிற மன்றாட்டு தெனாவெட்டாக இருக்கிறது.

நீதிபதியின் தீர்ப்பிலும், நீ குற்றமற்றவன் என்று கூறவில்லை. அன்னையின் கண்டிப்பும் கனிவுமே இருக்கிறது.

JNUவின் சில மாணவர்கள் ஒருங்கிணைத்து ,நடத்திய நிகழ்வில் எழுப்பிய கோஷங்களில் உள்ள உணர்வுகள், பேச்சுரிமையின் கீழ் பாதுகாக்கப்பட்டது என்று உரிமைக் கோரிக்கை வைக்க முடியாது. இது போன்ற மாணவர்களிடம் காணப்படும் இந்த தொற்று, ஒரு தொற்றுநோயாகப் பரவும் முன்னர் இது கட்டுப்படுத்தப் படவோ குணப்படுத்தப் படவோ வேண்டும்.

முழங்காலில் தொற்று ஏற்பட்டால், மருந்து கொடுத்து குணப்படுத்த நடவடிக்கை எடுக்கவேண்டும். அது வேலை செய்யவில்லை என்றால் இரண்டாவதாக அடுத்த மருத்துவம் செய்யவேண்டும்.  ஒரு சமயம் அறுவை சிகிச்சை கூட தேவைப்படலாம். அதே சமயத்தில் கால் அழுகும் நிலை வந்துவிட்டால் ஊனம்தான் ஒரே மருத்துவம்.

அவருடைய முக்கியப் பணிகளைச் செய்வதற்கு ஏதுவாக நான் பழமையான சிகிச்சை முறையைச் செய்ய விரும்புகிறேன். 6 மாதம் பிணையில் விடுவிக்கிறேன்.

– தீர்ப்பிலிருந்து

இவ்வளவையும் வாங்கிக் கட்டிக்கொண்டுதான், நான் ஜெயிலில் அப்படி புரட்சி பேசினேன். சிறைக் காவலர்கள் புரட்சியில் மயங்கினார்கள் என்றெல்லாம் வடை சுடுகிறார் கண்ணையா.

2016 sedition case 3
2016 sedition case 3

யாருக்கோ வேலையில்லை. நிற்க நேரமில்லை

பி. எச்டி. பயிலும் மாணவர்கள் எப்படி இருக்கக் கூடும் என்று பிஎச்.டி ட்ராப் அவுட் ஆன எனக்குத் தெரியும். நான் சொல்வது ஜெயமோகன் நாவல்களில் எத்தணை முறை முலை என்கிற வார்த்தை வருகிறது என்று ஆய்வு செய்யும் தமிழாய்வாளர்களுக்குப் பொருந்தாது.

அறிவியலில் ஆய்வு செய்வோர்களுக்கு என்று நிர்ணயிக்கப்பட்ட தொடர்ந்த பணிகள் இருக்கின்றன. இந்தப் பணிகளுடன், தொடர்ந்து தம் துறையில் பிறர் செய்யும் ஆய்வுகளின் முடிவுகள் பற்றித் தெரிந்து கொள்ள உலகலாவிய அளவிலான தரவு தளத்தை அலசவேண்டி உள்ளது. தவிர, வயிற்றுப் பாட்டுக்கு, ஏதேனும் ஒரு செயல்திட்டதில் பணிபுரிய வேண்டி உள்ளது. போதாக் குறைக்கு guide உடன் உரசல் சண்டை சச்சரவு, சக நண்பர்கள் கார்ப்பரேட் கம்பெனிகளில் லகரங்கள் வாங்கும்போது நாம் மட்டும் இன்னமும் செட்டில் ஆகாமல் இருக்கிறோமே என்கிற மன அழுத்தம் இருக்கிறது. இந்த வருடத்தின் டார்கெட் இத்தணை பேப்பர்கள் என்று பணி அழுத்தம் இருக்கிறது. இவ்வளவில் உழலுபவர்கள் பரிதாபத்துக்குரியவர்கள். இவர்கள் outletக்கு என சினிமா, விளையாட்டு (சமயத்தில் பாலியல் ஈடுபாட்டில் கூட) கவனத்தைத் திசை திருப்பினாலும், அடுத்த நாள் காலை 8 மணிக்கு ஆய்வில் அமர்ந்து விடுவார்கள்.

(c) http://xocai.xocaistore.com/media/wysiwyg/Xocai/InfoPages/group_of_scientists.jpg
(c) http://xocai.xocaistore.com/media/wysiwyg/Xocai/InfoPages/group_of_scientists.jpg

மேற்கூறிய வேலையைச் செய்பவர்கள்தான் JNU பன்னாட்டு ஆய்வாளர்கள். அதில்தான் 3000 சம்பளம் வாங்கும் ஒரு அங்கன்வாடி பணியாளரின் மகனான கண்ணையா பி.எச்.டி செய்கிறார் என்று இடது சாரிகள் மற்றும் ஆதரவாளர்கள்  நெகிழ்ந்து கண்ணீர் மல்குகிறார்கள். இந்த நேரத்தில் உங்களுக்கு ஒரு கேள்வி எழவேண்டும். எழுந்ததா?

அறிவாளிகளின்  மையம் என்று அறியப்படுகிற ஜவஹர்லால் பல்கலைக் கழகத்தின் சர்வதேச பள்ளியில் Ph.D பயிலும் அறிவாளிகள் வர்க்கத்தைச் சேர்ந்தவர் மனுதாரர்.  அவருக்கு எந்த விதமான அரசியல் தொடர்போ, கொள்கையோ இருக்கலாம். அதை அவர் தொடர எந்தவிதத் தடையும் இல்லை, அது அரசியலமைப்புச் சட்டத்தில் வரையறைக்குள் இருக்கும் வரை. வேற்றுமையில் ஒற்றுமை என்பதற்கு இந்தியா ஒரு நல்ல உதாரணம். பேச்சுரிமை என்பது நமது அரசியலமைப்பின் Article 19(2)ன் தேவையான வரையறைக்குட் பட்டது.  ஆவணங்களின் படி, அப்சல் குரு, மக்பூல் பட்டின் படங்களை ஏந்திக்கொண்டு கோஷம் எழுப்பும் இந்த மாணவர் அமைப்பு தனது போராட்டத்தையோ அல்லது உணர்வையோ சுயபரிசோதனை செய்து கொள்ளவேண்டும்.

JNU நிர்வாகமும் இவர்களை நல்வழிப் படுத்தி நாட்டின் வளர்ச்சிக்கும், JNU பல்கலை ஏற்படுத்தப்பட்ட நோக்கம் நிறைவேற்றப்படுவதற்கும் வழி செய்யவேண்டும்.

பாராளுமன்ற தாக்குதலில் குற்றவாளி என்று உறுதிப்படுத்தப்பட்ட அப்சல் குருவின் இறந்த நாளில், கோஷங்களை எழுப்பிய மாணவர்களின் தேசவிரோதக் கொள்கைகளைக் கண்டறிவதுடன் அதைக் கலையவும் வேண்டும். இதே போன்ற இன்னொரு நிகழ்வு நிகழாமல் தடுக்கவேண்டும்.

– தீர்ப்பிலிருந்து

பழைய மோர் தரும் புளிப்பு வீச்சம்

ரொம்ப காலமாக சொல்லப்பட்டு வரும் புளித்த மோர்தான் இந்தப் பிரச்சினையின் மூல காரணம் – இந்துத்துவ மாணவர் கழகம் Vs இடது சாரி மாணவர் கழகம். சிலரின் காழ்ப்புணர்ச்சியால் இந்துவத்தை எதிர்க்கிறேன் பேர்வழி என்று இந்தியம் சந்தியில் நிறுத்தப்பட்டுள்ளது.  சிலருக்கு அப்படித்தான் தோன்றும். பள்ளி கல்லூரிக்குப் போய் தேசீய கொடிக்கு சல்யூட் அடிப்பவன் எல்லாம் இந்துத்துவ வாதி. எனவே இந்துத்துவத்தை எதிர்ப்பதும் இந்தியத்தை எதிர்ப்பதும் ஒன்றுதான். (அல்லது இந்தியத்தை எதிர்த்தால்தான் அவர்களது வழக்கு நிற்கும்)

ஆக இந்தப் பிரச்சினை வெகு சாமர்த்தியமாக India Vs Left என்று மாற்றப்பட்டுள்ளது. RSSஐ எதிர்க்கிறேன் பேர்வழி என்று தேசத்தையே எதிர்ப்பதாகப் போய்கொண்டுள்ளதன் உதாரணம் இது. அதுதான் பாமர மக்களை விட்டு இடது சாரிகள் விலகிப் போதவற்கான காரணங்களில் ஒன்றாக இருக்கக் கூடாது?

இடது சாரி அரசியல் – அம்பியும் அந்நியனும்

இடது சாரிகளை ஒழித்தே தீரவேண்டும் என்று இந்துத்துவர்கள் எழுதுகிறார்கள். இடது சாரிகளின் பழைய உளுத்துப்போன கோட்டைகளான கேரளம், வங்கத்தில் கூட அவர்கள் மக்களால் நிராகரிக்கப்பட்டுள்ளது இந்துவர்களுக்கு மகிழ்வைத் தருகிறது. அதிலிருந்து மீண்டு வரத் துடிக்கும் காம்ரேடுகளுக்கு கண்ணையா குமார் வராது வந்த மாமணியாகத் தோன்றுகிறார். தேர்தலில் கண்ணையா பிரச்சாரம் கூட செய்யலாம் என்று செய்திகள் வருகின்றன.

என் ஊரின் பிண்ணனியிலிருந்து பார்த்தால் அப்படி ஒட்டு மொத்தமாக அவர்களை நிராகரிக்கலாமா? ஒரு பிரச்சினை என்றால் பாமரனுக்கு இவர்கள்தான் எளிதில் அணுக முடிபவர்களாக இருக்கிறார்கள். மீத்தேன் பிரச்சினையாகட்டும், கெயில் பிரச்சினையாகட்டும். திராவிட கட்சிகள் கள்ள மவுனம் சாதிக்கின்றன. திராவிட கட்சி அரசியல் வாரிசுகளின் லேட்டஸ்ட் editions மக்களை தெருவில் சந்திப்பதை இழி செயலாகக் கருதுகிறார்கள். வீட்டுக் காம்பவுண்டைத் தாண்டும் முன்னரே கார் கண்ணாடியை ஏற்றி, ஏசியைத் தட்டிவிட்டுக்கொள்கிறார்கள். ஆக, பாமரன் சொல்வதைக் கேட்க ஒருவன் இப்போதைக்கு இருக்கிறான் என்றால் அது இடதுசாரிகளாகத்தான் இருக்க முடியும். (அவர்களால் காரியம் சாதிக்க முடிகிறது, முடியலை அது வேறு விஷயம்). அவர்களது இதழியல் சேவையான NCBHன் பங்களிப்பை மறுக்கிறவன் நான் இல்லை.

ஆனால், அவர்களின் மறுபக்கம்தான் பிரிவினை பேசும் மாணவர் சங்கங்கள்,  அடுத்த தெரு ஆட்டோக்காரனையே தன் ஸ்டாண்டில் நிற்க விடாத யூனியன்கள், கையூட்டு வாங்கி தொழிலாளி நொம்பலத்தில் விடும் யூனியன் தலைவர்கள்.

லேட்டஸ்ட் ஆயுதங்களுடன் இந்திய படையை எதிர்க்கும் திறன் இவர்களுக்கு உள்ளது.  வளத்தைக் காக்கிறோம், மக்களைக் காக்கிறோம் என்று இவர்கள் கூவும் இடத்திலெல்லாம் துரதிருஷ்டவசமாக தரித்திரம் தாண்டவமாடுகிறது. கலாச்சாரத்திற்கும் இறை மறுப்பிற்கும் வித்தியாசம் தெரியாத பல வடை மாஸ்டர்கள் இந்தக் கும்பலில் பகுத்தறிவுவாதிகள் என்று சுற்றிக் கொண்டு உள்ளார்கள். நவீன தமிழிலக்கியம் பற்றி தெரியாதவர்கள் தங்களை முற்போக்கு எழுத்தாளர்கள் என்று கூட சொல்லிக் கொள்வார்கள்.

அறிக்கியும் LC112ம் கூட்டு

இந்துத்துவ வலது சாரி அரசு இப்போது மத்தியில் ஆள்கிறது. ஆக அவர்கள் மீது காஷ்மீர் தீவிரவாதிகளுக்கு பலத்த அதிருப்தி இருப்பது எதிர்பார்க்கக் கூடியது. ‘வலதிடது’ சாரியான காங்கிரஸ் ஆட்சியிலேயே எவ்வளவு ‘தலை போன’ பிரச்சினைகள். ஒரு பார்ட்டி ஆச்சா.

இந்துத்துவ அரசு எங்களுக்கும்தான் பிடிக்காது என்கிறது மாணவர் யூனியன். போதாக்குறைக்கு கல்லூரிகளில் இந்துத்துவ மாணவர் சங்கம் வேறு வந்துள்ளது. அவர்களைப் பார்ததாலே குமட்டிக்கொண்டு வருகிறது.

எதிரிக்கும் எதிரி நண்பன் என்கிற அரதப் பழசான லாஜிக்தான் இங்கு வேலை செய்துள்ளது. இடது சாரி மாணவர்களும், காஷ்மீர இஸ்லாமிய தீவிரவாத கொள்கை கொண்ட மாணவர்களும் ஒன்றிணைந்துள்ளனர். ஆனால் புத்திசாலித்தனமாக இதை இடது சாரி – முஸ்லீம் கூட்டணி என்று வெளி உலகிற்குப் பறை சாற்றி விட்டனர். (இது எல்லாம் ரகசியமல்ல. தமிழ் பதிவுலகிலேயே பேசப்பட்டுதான் வருகிறது).

ஆக – அறிக்கியும் LC112ம் கூட்டு

போதாத குறைக்கு வழக்கு மன்றத்தில் தாக்குதல் நடத்தி, இந்தக் கூட்டணிக்கு எதிராக யார் வேலை பார்த்தார்கள், குழப்பத்தை அதிகப் படுத்தினார்கள் என்பதை நான் சொல்ல வேண்டியதில்லை.

ஆக – நல்ல குழப்பம்.

ஆனாலும் மீடியாக்களுக்கு டிஆர்பி கிடைத்தது. பர்க்கா தத்துக்கு ஹீரோயிசம் கிடைத்தது. கண்ணையாவிற்கு ஜாமீன் கிடைத்தது. அர்ணாப்புக்கு இரத்தக்கொதிப்பு கிடைத்தது.

 

அரசியல் செய்யாமல் விவாதியுங்களேன் என்கிற ஈனஸ்வரம் எங்களைப் போன்ற மைனாரிடி இணைய இந்திய ரசிகர்களிடமிருந்து வருகிறது.

(முற்றும்)

 

இன்னொரு பதிவில் சந்திப்போம் நண்பர்களே.

வாழிய பாரத மணித்திருநாடு

Kanhaiya Kumar FIR No. 110/2016 – பாகம் 1


இந்தப் பதிவை எழுதக் காரணம், மீடியாக்களும் அரசியல் கட்சிகளும் உண்மை மீது ஒரு திரை எழுப்புவதாக நான் உணர்கிறேன். எனவே பிணை மனுவின் மீதான நீதிபதியின் தீர்ப்பின் முக்கிய அம்சங்களை தமிழில் மொழி மாற்றியிருக்கிறேன் (நான் புரிந்து கொண்ட வகையில்). என்னுடைய உணர்வுகள் சார்ந்து எதையும் எழுதிவிடாமல் இருக்க முயன்றிருக்கிறேன்.

இனி தீர்ப்பில் என்ன எழுதியிருக்கிறது என்று பார்ப்போம்.

23 பக்கங்கள்தான். யாரும் எளிதாக படித்துவிடலாம் http://www.scribd.com/doc/301714554/Delhi-High-Court-s-Bail-Order-for-JNU-President-Kanhaiya

என்ன பண்ணப்போகிறீர்கள் என்று  JNU படிவத்தில் கேட்டதற்கு இவர்கள் சொன்ன பதில் – ‘செய்யுள் வாசிப்பு – தபால் ஆபீஸ் இல்லாத நாடு’ (Poetry Reading – The Country Without A Post Office)

அனுமதி வாங்கியவர் – உமர் காலீது
அனுமதிக்கப்பட்ட நேரம் – 5 – 7:30PM (Sibal & ASG)

2016 sedition case 4
2016 sedition case 4

***

அஃப்சல் குரு தூக்கிலிடப்பட்டதைக் கண்டிக்கும் நிகழ்வாக இந்த நிகழ்வுக்கான போஸ்டர்கள் ஹாஸ்டல்களில் ஒட்டப்பட்டன. சர்ச்சைக்குரியதாகவும் வளாகத்தின் அமைதிக்கு பங்கம் விளைவிப்பதாகவும் (9ஆம் தேதி அன்று தாமதமாக) அறிந்த JNU நிர்வாகம் அனுமதியை ரத்து செய்தது. பல்கலைப் பாதுகாவலர்களுக்கும் மாணவர் குழுவிற்கும் வாக்குவாதம் வந்திருக்கிறது. உள்ளுர் போலீசுக்குத் தகவல் போயிருக்கிறது. (ASG)

***

தேசத்திற்கெதிரான கோஷங்கள் தடையின்றி முழங்கிக் கொண்டிருந்த நேரத்தில், தேசத்தை ஆதரித்து அடுத்த கோஷ்டியினரால் கோஷங்கள் எழுப்பப் பட்டன. (ASG)
இரு குழுவினருக்கும் இடையே தள்ளுமுள்ளு ஏற்பட்டுள்ளது. (ASG)
8:30 – 9:00 மணிக்குள் நிலவரம் கட்டுக்குள் கொண்டுவரப்பட்டது (ASG)
பிப்ரவரி 10 – Zee டிவியில் சர்ச்சைக்குரிய அந்த வீடியோ ஒளிபரப்பாகிறது. அந்த அலைவரிசையிடமிருந்து எடிட் செய்யாத வீடியோ பெறப்பட்டு 124-A/120-B/34/147/149 IPC படி வசந்த் குஜ் காவல் நிலையத்தில் FIR பதியப்படுகிறது.

***
போட்டோக்களில் உள்ள சிலர் முகமூடி அணிந்துள்ளனர். அவர்கள் யாரென்று இன்னமும் உறுதிப்படவில்லை. (State Report)
அஃப்சல் குருவின் ஒளிப்படம் உள்ள பதாகைகளைத் தாங்கிய மாணவர்கள் படம் கொடுக்கப்பட்டுள்ளது. (State Report)
Feb 9 கூட்டத்திற்குத் தயாரிக்கப்பட்ட போஸ்டரின் தலைப்பு Against the judicial killing of Afzal
Guru & Maqbool Bhatt என்று உள்ளது

2016 sedition case 1
2016 sedition case 1

***

zee டிவி காட்டிய வீடியோவில் உள்ள ‘பாகிஸ்தான் ஜிந்தாபாத்’ என்கிற கோஷம், அங்கு எழுப்பப்பட்ட கோஷங்களாக State ஆல் பட்டியலிடப்பட்ட கோஷங்களில் இல்லை.

9ஆம் தேதி மேற்சொன்ன பிரச்சினைக்குப் பிறகு 11ஆம் தேதி கண்ணையா உரையாற்றிய போது இந்திய அரசியல் அதிகாரத்தில் தனக்கு நம்பிக்கை உள்ளது என்கிறார். தவிர JNU மற்றும் இந்தியாவை உடைக்க முயலும் சக்திகளைப் பற்றித்தான் பேசுகிறார். (சிபல்)

***
மனுதாரர் (கண்ணையா)  இந்த நிகழ்வை ஒருங்கிணைத்தற்கும் நடத்தியதற்குமான சாட்சியங்கள் பதியப்பட்டுள்ளன.

அனுமதி கோரிய படிவத்தில் நான் கையெழுத்துப் போடவில்லை என்பதால் நான் குற்றவாளி அல்ல என்று ஆகாது (ASG)
11ஆம் தேதி கண்ணையா பேசிய உரை என்பது 9ஆம் தேதி நடந்த குழப்பத்திற்காக சட்டத்தின் கைகளிலில் இருந்து தப்பித்துக் கொள்வதற்கானது. (ASG)
பெயில்ல விட்டுவிடலாம் – Rahul Mehra, Standing Counsel (Criminal) for Government of  NCT of Delhi

***
JNU வில் போடப்பட்ட தேசவிரோத கோஷங்கள் –

2016 sedition case 2
2016 sedition case 2
  • அப்சல் குரு, மக்பூல் பட் வாழ்க
  • இந்திய முழுதாக ஒழியும் வரை போர் தொடரட்டும் போர் தொடரட்டும்
  • போ இந்தியா திரும்பிப் போ
  • இந்திய ஆர்மி – ஒழிக
  • இந்தியா துண்டு துண்டாக சிதறும், இன்ஷா அல்லா இன்ஷா அல்லா
  • அப்சல் கொலையை பொறுத்துக் கொள்ள மாட்டேன் பொறுத்துக் கொள்ள மாட்டேன்
  • கண்டிப்பாக  சுய சுதந்திரம் கொடுக்கவேண்டும்

***

மனுதாரர் JNU மாணவர் யூனியன் தலைவர். தான் அங்கு இருந்ததை ஒப்புக்கொண்டுள்ளார்.  போட்டோக்களும் அவர் அங்கே இருந்ததை உறுதிப்படுத்தி உள்ளன.
நடந்து கொண்டிருந்த தேச விரோத செயல்களில் கலந்து கொள்ளச் சென்றாரா,  இரு பார்ட்டிகளுக்கிடையே பிரச்சினை ஏற்படுவதைத் தடுக்க சென்றாரா என்பதில்தான் மாற்றுக்கருத்துகள் நிலவுகின்றன. சாட்சிகளின் படி மனுதாரர் அந்த நிகழ்வுகளில் முழுமையாக பங்கெடுத்துக்கொண்டுதான் இருந்திருக்கிறார்.

2016 sedition case 3
2016 sedition case 3

இந்திய அரசியலமைப்புக்கு ஒத்துப்போவதாகவும், இந்தியாவை உடைக்கப் பாடுபடும் சக்திகள் பற்றியும் 11ஆம் தேதி பேசுவதன் மூலம், மனுதாரர் தனக்கு ஒரு தடுப்பை ஏற்படுத்திக் கொள்கிறார்.

இந்தியா உடையக்கூடாது என்று மனதார பேசினாரா, 9 ஆம் தேதி நடந்த பிரச்சினையிலிருந்து தன்னைத் தற்காத்துக் கொள்ள ஒரு பாதுகாப்பு கவசத்தை ஏற்படுத்த பேசினாரா என்பதையெல்லாம் இந்த தருணத்தில் கோர்ட் ஆராய முடியாது

***
தேசவிரோத சட்டம் 124ஏ என்ன சொல்கிறது?
யாரொருவர் பேச்சு அல்லது எழுத்து வார்த்தைகளாலோ, அல்லது குறியீடுகளாலோ, அல்லது பார்வையில் படக்கூடியவைகளாலோ அல்லது சட்டத்தால் அமைக்கப்பட்டுள்ள இந்திய அரசின் மீது வெறுப்பையோ, மறுப்பையோ ஏற்படுத்தினாலோ அல்லது ஏற்படுத்த முயன்றாலோ,
– ஆயுள் தண்டனை (அபராதமும் சேர்த்து விதிக்கப்படலாம்)
– 3 வருட சிறை தண்டனை (அபராதமும் சேர்த்து விதிக்கப்படலாம்)
– அபராதம்

இவர் எந்த வகையில் வருவார் என்பது விசாரணையின் முடிவைப் பொருத்தது.

State பட்டியல் தந்துள்ள ஆவணங்களின் படி, மனுதாரர் சிறையில் இருக்கவேண்டியவரே.

***
இந்த பிணை மனுவைப் பார்க்கும்போது, நமது எல்லைகளை மிலிட்டரி மற்றும் பாரா மிலிட்டரி படைகள் காப்பதால்தான், இவர்களுக்கு பேச்சுரிமையை அனுபவிக்க முடிகிறது என்பதையும், கவனத்தில் கொண்டாகவேண்டி உள்ளது.

உலகத்தின் கடினமான பகுதிகளாக விளங்கும் சியாச்சின் பனி ஆறுகளிலும், கட்ச் வளைகுடாப் பகுதிகளிலும் நமது படைகள் நமக்காக காவல் காக்கின்றன.

எந்தத் தவறுமே செய்யவில்லை. தான் செய்த எதுவுமே நீதிக்குப் புறம்பானது இல்லை என்று மனுதாரர் குறிப்பிடுகிறார். (கண்ணையாவின் பெயில் பெட்டிசனிலிருந்து மேற்கோள் காட்டப்பட்டுள்ளது) நமது படைகள் உலகின் மிக உயரமான போர் மையங்களிலிருந்து, ஆக்ஸிஜன் கூட கிடைக்காமல் அவதிப்பட்டு காவல் காப்பதால்தான், இப்படிப்பட்ட கோஷங்களை எழுப்பும் சுதந்திரத்தை இவர்களால் உணரமுடிகிறது, பாதுகாப்பாக ஒரு பல்கலை வளாகத்தினுள் இருக்க முடிகிறது என்று இவர்கள் உணரவில்லை.

அப்சல் குரு, மக்பூல் பட்டின் படங்களை நெஞ்சில் தொங்கவிட்டு, அவர்களை தியாகிகளாக்கி, தேசவிரோத கோஷங்களைப் போடும் இவர்கள்
படைகள் இருக்கும் கடினமாக சீதோஷன சூழலில்  ஒரு மணிநேரம் கூட இவர்கள் தாக்குப் பிடிக்க மாட்டார்கள்.

எழுப்பப்பட்ட கோஷத்தின் தன்மைகள், நாட்டைப் பாதுகாக்கப் போய், சவப் பெட்டியில் திரும்பி வந்த தியாகிகளின் குடும்பத்திற்கு மனச்சோர்வை ஏற்படுத்தியிருக்கிறது.

***
Part-III under Article 19(1)(a)ன் படி மனுதாரர் பேச்சுரிமையைக் கோருகிறார். Part-IV under Article 51Aன் படி ஒவ்வொரு குடிமகனின் கடமை என்பது உரிமைகளையும் கடமைகளையும் ஒரே நாணயத்தின் இரு புறங்களாக வைத்தே வரையறுக்கப்பட்டுள்ளன என்பதை அவருக்கு நியாபகப்படுத்த வேண்டி உள்ளது.

***
அறிவாளிகளின் மையம் என்று அறியப்படுகிற ஜவஹர்லால் பல்கலைக் கழகத்தின் சர்வதேச பள்ளியில் Ph.D பயிலும் அறிவாளிகள் வர்க்கத்தைச் சேர்ந்தவர் மனுதாரர்.  அவருக்கு எந்த விதமான அரசியல் தொடர்போ, கொள்கையோ இருக்கலாம். அதை அவர் தொடர எந்தவிதத் தடையும் இல்லை, அது அரசியலமைப்புச் சட்டத்தில் வரையறைக்குள் இருக்கும் வரை. வேற்றுமையில் ஒற்றுமை என்பதற்கு இந்தியா ஒரு நல்ல உதாரணம். பேச்சுரிமை என்பது நமது அரசியலமைப்பின் Article 19(2)ன் தேவையான வரையறைக்குட் பட்டது.  ஆவணங்களின் படி, அப்சல் குரு, மக்பூல் பட்டின் படங்களை ஏந்திக்கொண்டு கோஷம் எழுப்பும் இந்த மாணவர் அமைப்பு தனது போராட்டத்தையோ அல்லது உணர்வையோ சுயபரிசோதனை செய்து கொள்ளவேண்டும்.

JNU நிர்வாகமும் இவர்களை நல்வழிப் படுத்தி நாட்டின் வளர்ச்சிக்கும், JNU பல்கலை ஏற்படுத்தப்பட்ட நோக்கம் நிறைவேற்றப்படுவதற்கும் வழி செய்யவேண்டும்.

பாராளுமன்ற தாக்குதலில் குற்றவாளி என்று உறுதிப்படுத்தப்பட்ட அப்சல் குருவின் இறந்த நாளில், கோஷங்களை எழுப்பிய மாணவர்களின் தேசவிரோதக் கொள்கைகளைக் கண்டறிவதுடன் அதைக் கலையவும் வேண்டும். இதே போன்ற இன்னொரு நிகழ்வு நிகழாமல் தடுக்கவேண்டும்.

***
JNUவின் சில மாணவர்கள் ஒருங்கிணைத்து ,நடத்திய நிகழ்வில் எழுப்பிய கோஷங்களில் உள்ள உணர்வுகள், பேச்சுரிமையின் கீழ் பாதுகாக்கப்பட்டது என்று உரிமைக் கோரிக்கை வைக்க முடியாது. இது போன்ற மாணவர்களிடம் காணப்படும் இந்த தொற்று, ஒரு தொற்றுநோயாகப் பரவும் முன்னர் இது கட்டுப்படுத்தப் படவோ குணப்படுத்தப் படவோ வேண்டும்.

Whenever some infection is spread in a limb, effort is made to cure the same by giving antibiotics orally and if that does not work, by following second line of treatment. Sometimes it may require surgical intervention also. However, if the infection results in infecting the limb to the extent that it becomes gangrene, amputation is the only treatment.

முழங்காலில் தொற்று ஏற்பட்டால், மருந்து கொடுத்து குணப்படுத்த நடவடிக்கை எடுக்கவேண்டும். அது வேலை செய்யவில்லை என்றால் இரண்டாவதாக அடுத்த மருத்துவம் செய்யவேண்டும்.  ஒரு சமயம் அறுவை சிகிச்சை கூட தேவைப்படலாம். அதே சமயத்தில் கால் அழுகும் நிலை வந்துவிட்டால் ஊனம்தான் ஒரே மருத்துவம்.

***
அவருடைய முக்கியப் பணிகளைச் செய்வதற்கு ஏதுவாக நான் பழமையான சிகிச்சை முறையைச் செய்ய விரும்புகிறேன். 6 மாதம் பிணையில் விடுவிக்கிறேன்.

பிணைக்கு பணப் பாதுகாப்பாக எவ்வளவு நிர்ணயிப்பது என்கிற கேள்வி எழுகிறது. 11அம் தேதி உரையாற்றிய போது, மனுதாரர் தன் தாய் அங்கன்வாடியில் 3000 மாத சம்பளத்திற்கு வேலை பார்ப்பதாக சொன்னார். இதை கவனத்தில் கொண்டால், தனிநபர் மற்றும் உறுதிப் பத்திரத்திற்கான தொகை அதிகமாக இருந்தால் அவரால் பிணையைப் பெற இயலாது போகலாம்.

மனுதாரருக்குக் கடடணத்தில் சலுகை தருவதால், தேசவிரோத காரியங்களில் முழுமையாகவோ, மறைமுகமாகவோ அவர் ஈடுபடக்கூடாது. மாணவர் சங்கத் தலைவராக, வளாகத்தினுள் தேச விரோத காரியங்கள் நடக்காமல் பார்த்துக்கொள்ள வேண்டும். இவருக்குன் ஜாமீன் கொடுப்பவர் ஆசிரியர்களில் ஒருவராகவோ, மனுதாரரின் உறவினராகவோ இருக்கலாம். அவர் கோர்ட்டின் பார்வைக்கு மனுதாரர் மீது கட்டுப்பாடு செலுத்துவதாகக் காண்பித்தால் மட்டும் போதாது, அவருடைய எண்ணங்கள் மற்றும் சக்தியை உருப்படியான வழிகளில் உபயோகிக்குமாறு மாற்றவேண்டும்.

***

 

தென்னாடுடைய சிவ.. (ம்ம் சொல்லுங்க) சிவன் சொல்றான். நான் செய்யறேன்.. (பிணை கிடைத்த அடுத்த நாள்)
தென்னாடுடைய சிவ.. (ம்ம் சொல்லுங்க) சிவன் சொல்றான். நான் செய்யறேன்.. (பிணை கிடைத்த அடுத்த நாள்)

 

தீர்ப்பைப் பற்றிய என் பார்வை அடுத்த பதிவில் (முடித்துவிடுவேன். அஞ்சற்க!)

வளர்க பாரதம்

சுதந்திர தின நிகழ்வுகள் – படங்கள் சொல்லும் கதைகள்


(இந்தப் பதிவு முழுக்க படங்களாலும், சமூகவலை பதிவுகளாலும் ஆனது என்பதால் மின்னஞசலில் பார்க்கும் நண்பர்களுக்கும், RSS ஓடை வழி பார்க்கும் நண்பர்களுக்கும் முழுதாக தெரியாமல் போகலாம்)

எந்த ஒரு நாடும் நான் இப்படித்தான் என்கிற சமிஞ்ஞைகளை தன் நாட்டு மக்களுக்கும் உலகுக்கும் அனுப்பிக்கொண்டே இருக்கிறது. உதாரணமாக சிங்கையை எடுத்துக்கொண்டால், நான் உங்களை எவ்வளவு வசதியாக வைத்துக்கொண்டுள்ளோம்; பிற அண்டை நாடுகளில் எப்படி அடிப்படை  வசதிகள் கூட இல்லை என்று திரும்ப திரும்ப மக்களுக்குச் சொல்லிக்கொண்டே உள்ளது. நான் உங்களுக்கு எவ்வளவு சுதந்திரம் கொடுக்கிறேன் பாருங்கள் என்று இந்தியா சொல்லிக்கொண்டே இருக்கிறது.

ஆனாலும் தொடர்ந்து உலகத்திற்கு எதிர்மறை சமிஞ்ஞைகளை இந்தியா தந்து வந்தது என்பதை மறுக்க இயலாது.

என்றாலும் சுதந்திரத்தை முழு உற்சாகத்தோடுதான் கொண்டாடினோம். இன்றும் அப்படியே. விடுமுறை நாள் என்பதால் தூதரகத்தில் நல்ல கூட்டம். புல்வெளியில் இருந்து தளிர் வதங்கும் வாசனை குப்பென்று அடிக்கும் அளவிற்கு. சென்ற முறை போல மழையின் ஆசீர்வாதம் இல்லை. காற்றும் இல்லை. ஒரே நீராவி.

2015-08-14

 

 

வார இறுதி நாள் ஆனதால் சரியான கூட்டம்
வார இறுதி நாள் ஆனதால் சரியான கூட்டம்

ஊடக தர்மமும் அதர்மமும்

தமிழக மற்றும் இந்திய ஊடகங்களுக்கு என்று தர்மங்கள் அல்லது அதர்மங்கள் உள்ளன. இதில் நான் டிவிக்களைச் சேர்க்கவே இல்லை. அவற்றில் நான் ஒட்டு மொத்தமாக நம்பிக்கை இழந்துவிட்டேன். உதாரணமாக எந்த ஒரு இந்திய தேசீய செய்தியையும் விவாதப் பொருளாக்க இவை விரும்புவதில்லை. ஆனால் ஏனோ சில காரணங்களுக்காக –

  • தனது முதலாளியின் விருப்பமாகவோ
  • மறைமுகமாக தான் பெற்ற பலனுக்காகவோ

தமிழகத்தின் இனப் பிரச்சினையை சூட்டிலேயே வைத்திருக்க அவை முயல்வதாக நான் குற்றம் சாட்டுகிறேன். இந்திய பங்களாதேஷ் வரலாற்றுச் சிறப்பு மிக்க ஒப்பந்தம் நடந்து கொண்டிருக்கும்போது சாதி தாண்டிய காதலையும், சாராயக் கடை பிரச்சினையையும் தாண்டி மக்கள் பார்வையில் எதையும் பட இந்த ஊடகங்கள் விரும்புவதில்லை. சிரங்கைச் சொறிவது போன்ற சுகம் தருவதால் நமது மக்களும் அந்த நமைச்சலை அனுபவிக்க ஆரம்பித்துவிடுகிறார்கள் பாவம். தேசீயத்தில் இணைந்து விடாமல் பார்த்துவிடும் இந்த ஊடகங்களின் வலிமை குறித்து நான் சிந்தித்துப் பார்க்கையில் ஒன்றுதான் தோன்றுகிறது.

இந்த ஊடகங்கள் சொல்வது அனைத்தும் உண்மை என மக்கள் நம்பியிருந்தால், நரேந்திர மோடி பிரதமராக ஆகியிருக்க இயலாது.

இந்திய – பங்களாதேஷ் நிலப் பங்கீடு

Straits times editorial on India Bangladesh land agreement
Straits times editorial on India Bangladesh land agreement

நான் இந்தியனா, பங்களாதேஷியா என்று குழம்பியிருந்த கூட்டம் இருந்திருப்பது சத்தியமாக எனக்குத் தெரியாது. 69ஆவது சுதந்திர தினத்தில் அந்தப் பிரச்சினை தீர்க்கப்பட்டுள்ளது. கத்தியின்றி, ரத்தமின்றி நிலப் பங்கீடு நடந்து முடிந்திருக்கிறது. (அன்றைக்குக் கூட பாகிஸ்தானின் DAWN பத்திரிகை, உறவுகளைத் தொலைத்த மூதாட்டி குறித்து கரிசனப்பட்டு எழுதியிருந்தது;) ) இந்த நிலப் பங்கீடு மூலம் இந்தியா உலகம் முழுக்க (உங்க வீட்டு RJக்கள் சொல்லும் பாணியில் புரிந்து கொள்ளாதீர்கள். நிஜமாகவே உலகம் முழுக்க) நேர்மறையான சமிஞ்ஞைகளை அனுப்பியிருக்கிறது. அதில் ஒன்றுதான் நான் மேலே கொடுத்த Editorial.

பிரதமரின் சீனப் பயனத்திற்கு சில நாட்கள் முன்பு இந்த ஒப்பந்தம் முடிவு செய்யப்பட்டது ஒரு முத்தாய்ப்பு என்று உலக பார்வையாளர்கள் கருதுகிறார்கள். ‘நான் பெரியவன், என்னை விட சிறியவர்களுடன் வம்பு வைத்துக்கொள்வதில்லை. தீர்த்துக்கொள்ள விரும்புகிறேன்’ என்கிற செய்தி சொல்லப்பட்டிருக்கிறது. தென் சீனக்கடல் முழுக்க வம்புகளை வளர்த்திக்கொண்டிருக்கும் சீனாவிற்கு அளிக்கப்பட்டிருக்கும் இந்த செய்தியின் வலிமைதான் நான் மேலே தந்துள்ளது.

இந்திய பங்களாதேஷ் உறவு மேம்பாடு

சர்ச்சைக்குரிய கடல் பகுதியை பங்களாதேசுக்குச் சொந்தம் என ஐநா நீதிமன்றம் அறிவித்தது. இந்தியாவும் ஏற்றுக்கொண்டுள்ளது.

தென்சீனக் கடல் விவகாரங்களில் பிலிப்பீன்சுத் தீவுகளுக்கோ பிற நாடுகளுக்கோ ஆதரவாக தீர்ப்பு வந்தபோது சீனா அதனை எதிர்த்துள்ளது, தவிற, இவன் சொல்றதை எல்லாம் ஏத்துக்க முடியாது என்று எல்லை முழுக்க பஞ்சாயத்துக்களை வைத்துள்ளது.

இவை தவிர, போக்குவரத்து, மின்சார உற்பத்தி என்று அடுத்தடுத்த ஒப்பந்தங்கள் போடப்பட்டுள்ளன.

வட கிழக்கு மாநிலங்கள்

மக்கள் ஒன்று கலக்காமல் அங்கே பிரச்சினைகள் குறைய வாய்ப்பு இல்லை. ஏனைய இந்தியப் பகுதிகளைப்போல் பிழைக்கவும், அதற்காக பயணங்கள் மேற்கொள்ளவும் எளிதானாலே அவர்கள் தானாக பறந்து விரிந்த இந்தியதேசத்தில் தனக்கான பங்கினை எடுத்துக்கொள்ள முடியும்.

மூன்று பெரிய நிகழ்வுகள் நடந்துள்ளதாக உணர்கிறேன் நண்பர்களே.

  • ஒன்று, போக்குவரத்து.
  • இரண்டு நாகா ஒப்பந்தம்.
  • மூன்று மணிப்பூர் தாக்குதல்.

இதோ மிண்ட் ஏசியா (மலேசியா & சிங்கப்பூர்) இதழில் வந்த வடகிழக்கு இந்தியாவின் திட்டங்கள் பற்றிய ஒரு வரைபடம் (src MEA). உடனே நடக்குமா, சில பல வருடங்கள் தள்ளி நடக்குமா, நடக்காமல் போகுமா என்றெல்லாம் தெரியாது. ஆனால் இதுவரை இல்லாத அளவில் திட்டங்களில் முன்னேற்றம் இருக்கிறது என்பது உண்மை.

reconnecting north east - mint asia
reconnecting north east – mint asia

அடுத்ததாக நாகா ஒப்பந்தம்.

இந்த ஒப்பந்தம் போடப்பட்டது என்று திடுக் என்று செய்தி வந்தது. என்ன சொல்கிறார்கள் என்று பார்த்தால் மிகப்பெரிய வேலைகள் திரை மறைவில் ஓடியிருக்கின்றன. சொல்லப்போனால், அவ்வளவு ரகசியமாக நடந்த இந்த வேலை பற்றி இன்றைய பிரதமர் மோடி, முன்னாள் பிரதமர் மன்மோகன் சிங் மற்றும் பிறருடன் தகவல் பகிர்ந்திருப்பதாக அறிய முடிகிறது.

நான் வட கிழக்கு செல்ல ஆர்வமாய் உள்ளேன். எனது அட்டவணையில் உள்ளது. அதற்கான காலம் கூடி வரவேண்டும் அவ்வளவே.

மூன்றாவதாக மணிப்பூர் தாக்குதலுக்கு இந்தியா அளித்த பதிலடி.

எல்லை தாண்டிய தாக்குதல் என்கிறார்கள், இல்லை எல்லைக்குள்ளான தாக்குதல் என்கிறார்கள். என்ன வேணும்னாலும் இருக்கட்டும். பதிலடிகள் சாத்தியமாகியிருக்கிறது என்பது வரவேற்க வேண்டிய விசியம். காஷ்மீரில் ஒருவனைக் கைது செய்திருக்கின்றனர். கடல் பகுதியில் பாகிஸ்தான் படகு மூழ்கடிக்கப்பட்டுள்ளது. வடகிழக்கில் சாலை மற்றும் தண்டவாளம் போடப்படுகின்றன. வானூர்தி நிறுவனங்கள் வடகிழக்கு நகரங்களுக்கு சேவை அளிக்கத் தூண்டப்படுகின்றன.

வெளியுறவுகள்

நேபாள நில நடுக்கத்தில் அளித்த உதவி, (அங்கு இந்திய ஊடகங்கள் பெற்ற அவமானம்), ஏமனிலிருந்து மக்களைத் தூக்கிய அற்புதம் என்பன எல்லாம் ஒரு இந்தியனாக எனக்கு மகிழ்ச்சி அளிக்கிறது.

நாம் செய்யக்கூடியது என்ன?

  • Help yourself against paid agenda: ஜாதி, இனப்பிரச்சினை இந்தியாவில் தீர்ந்துவிடக்கூடாது என்று பணத்தை வாரி இறைக்கும் கும்பல் இருக்கிறது. அவர்களிடமிருந்து காத்துக்கொள்ள குறைந்த பட்சம் நேர் மறை சிந்தனை கொண்டிருப்பது அவசியம்.
  • Help yourself against linguistic politics: தமிழ்தான், இந்தி எதிர்ப்பு, ஆக்கிரமிப்பு என்கிற மிகை வாசகங்களைப் புறம் தள்ளுங்கள். உங்கள் நண்பர்களே ஆனாலும் புறக்கணியுங்கள். தமிழகம் விட்டு வெளியே வந்து வேலை செய்யும் எங்களுக்குத் தெரியும் ஒரு பொது மொழியின் அவசியம். அது இந்தியாக இருந்தாலும் சரியே. தமிழ் மொழி தவிர வேறு தெரியாது என்பதனால் வெளி நாடுகளில் தமிழர்கள் பிற இந்தியர்களுடன் கலக்க முடியாதிருக்கிறார்கள் என்பதை உணருங்கள். ஹிந்தியும் தெரியாது, தமிழும் தெரியாது என்கிற கேவல தமிழர் கூட்டத்தில் நீங்களோ உங்கள் குழந்தைகளோ தவறியும் சேராதீர்கள். இந்தி எதிர்ப்பு என்பது காவிரி அரசியல், இலங்கை அரசியல் மாதிரி ஒரு அரசியல் அஜெண்டா என்பதை உணருங்கள்.
  • Help yourself against social media: சமூக வலை என்பது சீழ் பிடித்து நாறும் மனங்களின் மன்று கூடுகைகளாக மாறி வருகிறது. தள்ளி இருங்கள். அவசியமில்லாத ஒன்று கண்ணில் பட்டால் அதற்கெதிரான நடவடிக்கை எடுங்கள்.  பிறர் உங்களுக்குத் தரவேண்டிய மரியாதையை பிறருக்கும் அளியுங்கள். இனிய இணையம் என்பது ஒவ்வொருவரின் பங்களிப்பு.
  • Help yourself against negative publicity: எதிர்மறை கருத்துகள் கூறி புகழ் பெற ஒரு கும்பல் துடிக்கிறது. இந்தியாவிற்கெதிரான எந்த உணர்வையும் வளர்த்துவிட இவை காத்திருக்கின்றன. இந்தியாவிற்கு எதிராக பணம் தரும் எவனாவது பிச்சை போடமாட்டானா என்று காத்திருக்கின்றன. பிச்சை கிடைத்துவிட்டால தன்னைச் சுற்றி ஒரு 10 பேரை மனம் மாற்ற, மதம் மாற்ற விளைகின்றன. துஷ்டனைக் கண்டால் தூரவிலகு.
  • Help yourself against anti-nationalists: மன்மோகனைப் பிடிக்கும் பிடிக்காது. மோடியைப் பிடிக்கும் பிடிக்காது. யாருக்காகவும் தேசீயத்தை விட்டுக்கொடுக்கலாகாது. மதம் வேறு தேசியம் வேறு. அதைக் கலக்கி, கலகம் விளைவித்து, குளிர் காய காத்திருக்கும் வீணர்களிடம் சிக்காதீர்கள்.
  • Help your kids against evil minds: பேசுங்கள். கதை பேசுங்கள். அவர்களுக்கு தங்கள் அடையாளத்தைக் கதையாகச் சொல்லிக் கொடுங்கள். டிவி டிவியாக இருக்கட்டும். உங்கள் குழந்தைகளின் செவிலி ஆக வேண்டாம்.

வளர்க பாரதம். வந்தே மாதரம்

ஆடுவோமே பள்ளு பாடுவோமே – ஆனந்த

சுதந்திரம் அடைந்துவிட்டோம் என்று

ஆடுவோமே பள்ளு பாடுவோமே.

https://twitter.com/aashutoshvatsa/status/632474558654615554https://twitter.com/Swapnilkhound/status/632474525972566016

https://twitter.com/Wajji_/status/632408653782323201

 

அன்னைக்கு வயதோ 69. இன்றைக்கும் தோற்றமோ 19.


salute to india

“எல்லாரும் இந்தியாவுக்கு ஓடி வந்தோம். மைக்கேலுக்கு நல்ல காயம். இவரை நான் முதுகுலே தூக்கிக் கிட்டேன். மம்மாவும் தலையில ஒரு பெரிய மூட்டையைத் தூக்கிக்கிட்டாங்க. எங்களை மாதிரி எவ்வளவோ பேர்.. ரயில், குட்ஸ், வண்டி, நடை எப்படியெல்லாமோ.. உயிர் பொழைச்சால் போதும்னு மனுஷங்க ஓடறப்போ அவன் எவ்வளவு நல்லவனா, அடக்கமானவனா, நெறைஞச அன்பு உள்ளவனா இருக்கான் தெரியுமா…!”

“…….. அப்பாடான்னு மூச்சு விட்டோம். அவ்வளவுதான்… மறுபடியும் குண்டு விழுந்தது.”

“… மைக்கேல் அந்த நிலையிலே கூட உன்னைக் கொஞ்சினாரு.. நாங்க இந்தியாவுக்கு வந்து நீ நான் மம்மா மைக்கேல் நாலு பேருமா ஒரு குடும்பமா வாழறதுன்னுதான் வந்தோம். ஆனால் மைக்கேல் வழியிலேயே செத்துப் போயிட்டார். நல்ல மழை. எந்த ஊர்னு கூட தெரியாத இடம். நம்ப மாதிரி ரொம்ப பேர் அங்கே ஒ பாழடைஞ்ச வீட்டில தங்கியிருந்தாங்க. நாங்களும் போயி அங்க ஒதுங்கினோம். பாஷை, ஜாதி, தேசம்கிறது எல்லாம் எவ்வளவு அற்பமானதுன்னு தெரிஞ்சுது. அன்புதான் மகனே முக்கியம். ”

(ஒரு மனிதன், ஒரு வீடு, ஒரு உலகம் – ஜெயகாந்தன்)

நண்பர்களே,

உங்கள் அனைவருக்கும் அன்பான சுதந்திர தின நல்வாழ்த்துக்கள். அவசியம் குழந்தைகளுடன் பள்ளிக்குச் செல்லுங்கள். பிறர் அருகில் உள்ள அரசு நிறுவனங்களிலோ ஆயுதப்படை மைதானங்களிலோ சென்று கொடியேற்பில் பங்கு கொள்ளுங்கள்.

கண்ணனுடன் கலந்து கொள்ள இயலாத காரணத்தால், இந்த முறையும் தூதரகத்திற்குச் செல்வேன் என்று நினைக்கிறேன்.

நாளை மாலை சந்திப்போம்.

வளர்க பாரதம்

இந்தியாவுக்கு அசுர வல்லமை அளித்த ராக்கெட் விஞ்ஞானி


அமரர் அப்துல் கலாம் அவர்களுக்கான சிறந்த அஞ்சலிகளில் ஒன்று.

. . . . . நெஞ்சின் அலைகள் . . . . . வையகத் தமிழ் வலைப் பூங்கா

டாக்டர் அப்துல் கலாம்

சி. ஜெயபாரதன் B.E.(Hons) P.Eng (Nuclear) கனடா

++++++++++

https://www.youtube.com/watch?feature=player_detailpage&v=vw9tYzAkctU

https://www.youtube.com/watch?feature=player_detailpage&v=q57FCLQUR94

https://www.youtube.com/watch?feature=player_detailpage&v=h15J9jF7cEk

https://www.youtube.com/watch?feature=player_detailpage&v=J8XJjkA5NuQ

https://www.youtube.com/watch?feature=player_detailpage&v=9CKCfiX3uO0

https://www.youtube.com/watch?feature=player_detailpage&v=TnX7SvAbf5k

+++++++++++++++++++

“உன் விதியை ஏற்றுக்கொண்டு, வாழ்க்கையில் முன்னேறிச் செல்;  விமானப் படையில் நீ சேர்ந்து வேலை செய்யக் கூடாதென்று விதி யுள்ளது.  நீ என்ன செய்யப் போகிறாய் என்பது இன்னும் நிர்ணயமாக வில்லை.  ஆனால் என்ன நீ பண்ணப் போகிறாய் என்னும் விதி ஏற்கனவே நிச்சமாக்கப் பட்டுள்ளது.  நீ புரிய வேண்டிய பணிக்கு அவசியம் இருப்பதால் விதியிட்ட பாதைக்கு உன்னை அழைத்துச் செல்கிறது.  ஆகவே உனது இந்த தோல்வியை மறந்திடு.  உனது பிறப்பின் மெய்யான காரணத்தை எண்ணித் தேடிச் செல்.  உன்னோடு நீ ஒன்றாய் ஒன்றிக்கொள்!  கடவுளின் விருப்பத்திற்கு நீ சரணடைவாய்”.

சுவாமி சிவானந்தா (ரிஷிகேஷில் டாக்டர் அப்துல் கலாமுக்குக் கூறியது)

“கனவு காண், கனவு காண், கனவு காண்,  பின்னால் கனவுகளை எண்ணங்கள் ஆக்கிப் பிறகு செய்கையாக்கு.  சிந்தனை செய்வது பேரளவில் இருக்க வேண்டும்.  நமது தேசத்தின் ஜனத்தொகை நூறு கோடி.  ஆகவே உன் சிந்தனைகள் நூறு கோடி மக்களுக்குத் தகுதி பெற்றதாய் அமைய வேண்டும்.  அப்படிச் செய்தால்தான் பேரளவில் நாம் முன்னேற முடியும்.”

டாக்டர் அப்துல் கலாம், பாரத ஜனாதிபதி (இளைஞருக்குக் கூறியது )

அக்கினி இடித் தாக்கம்!
அசுர வல்லமை ஊக்கம்!
பொறுமை யற்ற புயலிலே
புதுநெறி படைக்க
புறப்படும் எமது கனவுகள்!

டாக்டர் அப்துல்…

View original post 1,849 more words

கல்கத்தாவின் புத்த மதப் பொக்கிஷங்கள் சிங்கப்பூரில் – விரைக!


கோடானு கோடி வாசகப் பெருங்குடி மக்களே!!!

ஆசியாவின் பழமையான அருங்காட்சியகத்தின் பொக்கிஷங்கள்: கல்கத்தா அருங்காட்சியகத்திலிருந்து புத்தமத கலை அம்சங்கள் சிங்கப்பூருக்கு வந்துள்ளன. நண்பர் நேற்று மாலை அழைத்துச் சென்றார். குகைகளைத் தேடிய பழைய நினைவுகளை மீட்டெடுக்க உதவியது.

காந்தாரக் கலை மற்றும் பாலப் பேரரசின் எழில் மிகுந்த போதிசத்வர் மற்றும் புத்தர் சிற்பங்களைக் காணும் வாய்ப்பைத் தவற விட்டுவிடாதீர். ஜாதகக் கதைகளைச் சொல்லும் சிற்பங்கள் மற்றும் ஓவியங்கள், புத்தரின் வாழ்க்கை நிகழ்வுகள் மற்றும் புத்தமத சின்னங்கள் என்று இந்தியக் கலையின் வழியாக புத்த மதத்தின் வளர்ச்சியை இந்தக் கண்காட்சி காணத் தருகிறது.

சென்னையிலிருந்தும், நாகப்பட்டிணத்திலிருந்தும் இரண்டு காட்சிப் பொருட்கள் வந்துள்ளன

அனுமதி இலவசம் – 16 ஆகஸ்ட் வரை

Asian Civilization Museum, 1 Empress Place, Singapore

தொடர்புள்ள பிற பதிவுகள்

 

இந்தியா, இலங்கை, பர்மா, தாய்லாந்து. இந்தோனேசியா, மலேசியா, திபெத், சீனா….. புத்த மதக் குடையின் கீழ் அத்தனை கிழக்காசிய நாடுகளையும் கொண்டு வர முடிகிறது. ஆனால் புத்தமதம் என்னவென்று அறியாத சில சீனர்கள் எந்த ஒரு காரணமுமின்றி, மேற்கத்திய மோகத்தில் மதம் மாறுவதைக் காணும்போது வருத்தமாக இருக்கிறது. சீனர்கள் மாறுவது இருக்கட்டும், தமிழகத்தில் என்ன வாழ்கிறது?

 

 

இன்னுமொரு பதிவில் சந்திப்போம் நண்பர்களே,

வளர்க பாரதம்!